10 نومبر ، 2024 
جرائم
مقتولہ لڑکی نےطلائی زیوارت اور مہنگے کپڑے پہنے ہوئے ہیں، شبہ ہے لڑکی کو کسی اور جگہ قتل کر کے لاش سپرہائی وے پرپھینکی گئی ہے: پولیس/ فائل فوٹو
کراچی میں کچرا کنڈی سے طلائی زیورات پہنے لڑکی کی تشدد زدہ لاش برآمد
10 نومبر ، 2024
کراچی: سپر ہائی وے کچرا کنڈی سے تشدد زدہ لڑکی کی لاش ملی ہے۔
پولیس کی جانب سے سپر ہائی وے کچرا کنڈی سے گزشتہ روز ملنے والی لاش کے معاملے کی تحقیقات کی جا رہی ہیں۔
اس حوالے سے پولیس نے بتایا کہ 25 سالہ لڑکی کی شناخت نہیں ہو سکی تاہم لڑکی کے جسم پر تشدد کے نشانات موجود ہیں۔
پولیس نے بتایا کہ مقتولہ لڑکی نے طلائی زیوارت اور مہنگے کپڑے پہنے ہوئے ہیں، شبہ ہے کہ لڑکی کو کسی اور جگہ قتل کر کے لاش سپرہائی وے پرپھینکی گئی ہے۔
پولیس نے مزید بتایا کہ لڑکی کی لاش شناخت ہونے تک سرد خانے میں رکھی گئی ہے جبکہ تحقیقات کا سلسلہ جاری ہے۔
