10 نومبر ، 2024 
گوگل میپس کا ایسا نیا فیچر جو آپ کو ضرور پسند آئے گا
10 نومبر ، 2024
گوگل میپس میں ایک ایسا نیا فیچر متعارف کرایا جا رہا ہے جو آپ کو ضرور پسند آئے گا۔
گوگل میپس کا یہ فیچر ان صارفین کے لیے مددگار ثابت ہوگا جو گاڑیوں کے مالک ہیں۔
4 سال قبل گوگل کی جانب سے نیوی گیشن اسکرین میں میپس صارفین کو ان کی گاڑیوں کا روپ بدلنے کی سہولت فراہم کی گئی تھی۔
اب ان کسٹمائزیشن آپشنز کو زیادہ بہتر بنایا جا رہا ہے۔
اینڈرائیڈ پولیس کی ایک رپورٹ کے مطابق گوگل میپس میں گاڑیوں کے 5 نئے ماڈلز کے آپشن کا اضافہ کیا جا رہا ہے۔
ان ماڈلز میں جیپ، hatchback اور دیگر شامل ہیں اور 8 نئے رنگوں کا انتخاب کرنے کا موقع بھی ملے گا۔
اس سے قبل گوگل میپس کے صارفین کو صرف 4 آپشنز دستیاب تھے، جن میں ایک ریگولر ایرو کا آئیکون تھا، دوسرا زرد ایس یو وی، تیسرا سرخ گاڑی اور چوتھا سبز پک اپ ٹرک کا آپشن تھا۔
اب انہیں 8 گاڑیوں (اگر آپ ایرو کو بھی گاڑی تسلیم کرلیں تو) آئیکون 8 رنگوں کے ساتھ دستیاب ہوں گے۔
رپورٹ میں بتایا گیا کہ یہ فیچر ابھی گوگل میپس کے آئی او ایس ورژن میں محدود صارفین کو دستیاب ہے۔
مگر امکان ہے کہ یہ فیچر بتدریج اینڈرائیڈ صارفین کو دستیاب ہوگا۔
مزید خبریں :
گوگل کا میپس کی لوکیشن ہسٹری کو ڈیلیٹ کرنے کا فیصلہ
4 گھنٹے پہلے
ناسا مستقبل کے مسافر طیارے کی تیاری میں مصروف
6 گھنٹے پہلے
واٹس ایپ میں ایک نئے کارآمد فیچر کا اضافہ
27 نومبر ، 2024
انسٹا گرام میں اب واٹس ایپ کی طرح لائیو لوکیشن شیئرنگ ممکن
26 نومبر ، 2024
