13 نومبر ، 2024 
’لائٹ گئی اور اللہ نے عزت بچائی‘، نسیم وکی نے سلمان خان کے سامنے اپنے ساتھ پیش آنیوالا واقعہ بتادیا
13 نومبر ، 2024
کامیڈین نسیم وکی نے انکشاف کیا ہے کہ وہ کامیڈی شو میں بالی وڈ سپر اسٹار سلمان خان کے سامنے اپنی لائنز بھول گئے تھے۔
نسیم وکی کا شمار پاکستان کے بہترین کامیڈینز میں ہوتا ہے جنہوں نے اپنے ٹیلنٹ سے نہ صرف پاکستان بلکہ بھارت میں بھی لوگوں کے چہروں پر ہنسی بکھیری۔
حال ہی میں کامیڈین نے ایک نجی ٹی وی کے شو میں شرکت کی جہاں انہوں نے اپنے کیرئیر کے حوالے سے دلچسپ گفتگو کی۔
پروگرام میں شریک حاضرین کے سوال کا جواب دیتے ہوئے انہوں نے بتایا کہ بھارت میں کامیڈی نائیٹ بچاؤ کرنے کیلئے گیا ہوا تھا، شو میں گلوکار میکا سنگھ اور سلمان خان سمیت دیگر مشہور شخصیات بیٹھی ہوئی تھیں تو مجھے ان کا مذاق بنانا تھا۔
نسیم وکی نے کہا کہ انہی دنوں میری والدہ کا انتقال ہوا تھا، اسکرپٹ یاد کرتا اور بھول جاتا، یہ ہی میرے ساتھ اسٹیج پر بھی ہوا، مجھے سلمان خان کے ساتھ مذاق کرنا تھا لیکن میں ٹرامہ میں تھا اس لیے اپنی لائنز بھول گیا۔
انہوں نے مزید کہا کہ ٹرانسفارمر پھٹنے کی وجہ سے شو کی لائٹ چلی گئی اور اللہ نے میری عزت بچالی، یہ کیرئیر میں پہلی بار ہوا تھا کہ میں اپنی لائنز بھول گیا تھا۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
