16 نومبر ، 2024 
کراچی: پکوان سینٹرپر دستی بم پھینکنے کی سی سی ٹی وی ویڈیو سامنے آگئی
16 نومبر ، 2024
کراچی کے علاقے اورنگی ٹاؤن میں پکوان سینٹرپر دستی بم پھینکنے کی سی سی ٹی وی فوٹیج سامنے آگئی۔
پولیس کے مطابق آج صبح اورنگی ٹاؤن کی فرنٹیئر کالونی میں پکوان سینٹر پر فائرنگ اور دستی بم پھینکنے کا واقعہ پیش آیا تھا جس دوران نامعلوم ملزمان ریسٹورنٹ پر دستی بم پھینک کر فرار ہوگئے تھے۔
اب سامنے آئی ویڈیو میں موٹرسائیکل پر پیچھے بیٹھے شخص کو دکان میں دستی بم پھینکتے دیکھا جا سکتا ہے، ویڈیو میں دوسری موٹرسائیکل پر پیچھے بیٹھے شخص کو دکان پرفائرنگ کرتے بھی دیکھاجاسکتا ہے۔
پولیس کے مطابق سی سی ٹی وی ویڈیو کی مدد سے ملزمان کی گرفتاری کے لیے چھاپے مارے جا رہے ہیں۔
اس سے قبل دیے گئے بیان میں ریسٹورنٹ کے مالک نے بتایا تھا کہ وہ گھر پر سوئے ہوئے تھے کہ فائرنگ کی آواز پر ان کی آنکھ کھلی تاہم ملزمان کی جانب سے پھینکا گیا بم پھٹ نہیں سکا تھا۔
ریسٹورنٹ مالک کا کہنا تھا کہ انہیں 2022 میں بھتے کی پرچی ملی تھی جس کا انہوں نے مقدمہ بھی درج کروا دیا تھا۔
