17 نومبر ، 2024 
جرائم
شوہر سےناراض خاتون ملزم جعلی پیر سےدم کروانےآئی تھی،پولیس/ فائل فوٹو
اوکاڑہ: جعلی پیر نے دم کروانے آئی خاتون کو خنجر دکھا کر زیادتی کا نشانہ بنا ڈالا
17 نومبر ، 2024
اوکاڑہ میں جعلی پیر نے دم کروانے کے لیے آنے والی خاتون کو مبینہ طور پر زیادتی کا نشانہ بنا ڈالا۔
پولیس کے مطابق اوکاڑہ میں ایک جعلی پیر نے دم کروانے کے لیے آنے والی خاتون کو مبینہ طور پر زیادتی کا نشانہ بنایا۔
پولیس کا بتانا ہے کہ خاتون سے زیادتی کےالزام میں قصبہ 53 ٹوایل سے ایک شخص کو گرفتار کرلیا گیا ہے۔
پولیس کے مطابق شوہر سے ناراض خاتون ملزم جعلی پیر سے دم کروانے آئی تھی جسے ملزم نے خنجر دکھا کر مبینہ طور پر زیادتی کا نشانہ بنایا۔
پولیس کا بتانا ہے کہ ملزم کےخلاف تھانہ صدر میں زیادتی کی دفعہ کے تحت مقدمہ درج کرلیا گیا ہے۔
دوسری جانب اوکاڑہ پولیس کے مطابق قصبہ رایت پورکےقریب مبینہ مقابلے میں ایک ملزم اپنے ہی ساتھیوں کی فائرنگ سے زخمی ہوگیا۔
مزید خبریں :
