19 نومبر ، 2024 
جس احتجاج کو یہ آخری کال کہتے ہیں ان کے سیاسی تابوت میں آخری کیل ثابت ہوگا: طلال چوہدری
19 نومبر ، 2024
پاکستان مسلم لیگ نے کے رہنما طلال چوہدری نے کہا ہے کہ پاکستان تحریک انصاف (پی ٹی آئی) کا احتجاج نند بھاوج کی اندرونی لڑائی کی بھینٹ چڑھ جائے گا، حکومت کو کچھ کرنا ہی نہیں پڑے گا۔
جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے طلال چوہدری نے کہا کہ بشریٰ بی بی جو فیصلے کر رہی ہیں، تحریک کی کامیابی ناممکن ہے۔
انہوں نے کہا کہ فیصل آباد سے تو 20 ہزار لوگ لانے کیلئے بھی پبلک ٹرانسپورٹ نہیں ہے۔
ایک اور بیان میں طلال چوہدری کا کہنا تھا کہ خیبرپختونخوا کے وزیراعلیٰ کے دانت دکھانے کے اور ہیں جبکہ کھانے کے اور ہیں۔
انہوں نے کہا کہ حکومت کی آنکھیں کھلی ہے پاکستان کو نقصان پہنچانے نہیں دیا جائے گا، معافی گناہوں کی سزا کے بعد ہی ملے گی۔
ن لیگی رہنما کا کہنا تھا کہ 24 نومبر کا احتجاج جس کو یہ آخری کال کہتے ہیں ان کے سیاسی تابوت میں آخری کیل ثابت ہوگا۔
