20 نومبر ، 2024 
والدین کی 29 سال بعد طلاق، اے آر رحمان کے بچوں نے خاموشی توڑ دی
20 نومبر ، 2024
بالی وڈ کے شہرہ آفاق گلوکار اور موسیقار اے آر رحمان اور ان کی اہلیہ کے درمیان طلاق کے بعد بیٹے اور دونوں بیٹیوں نے ردعمل دیا ہے۔
19 نومبر کی شب گلوکار کی اہلیہ سائرہ بانو نے طلاق کا اعلان کیا جس کے بعد اے آر رحمان نے بھی ایکس اکاؤنٹ پر بیان جاری کیا اور شادی کے 29 برس بعد اہلیہ سے علیحدگی کی تصدیق کی۔
اب گلوکار کے بچوں کے بیانات سامنے آئے ہیں جو تینوں نے انسٹاگرام اسٹوری پر شیئر کیے۔
اے آر رحمان کے بیٹے اے آر امین نے اپنی اسٹوری میں لکھا 'ہم سب سے گزارش کرتے ہیں کہ اس وقت ہماری پرائیویسی کا احترام کریں اور ہماری صورتحال سمجھنے کے لیے آپ سب کا شکریہ'۔
دوسری جانب اے آر رحمان کی بیٹی خدیجہ رحمان نے بھی بھائی کے الفاظ والی اسٹوری شیئر کی جب کہ دوسری بیٹی رحیمہ نے بھی ایسا ہی کچھ لکھا۔
رحیمہ نے انسٹاگرام کی اسٹوری پر کہا کہ 'یہ قابلِ تعریف ہوگا اگر آپ سب اس صورتحال کو ہماری پرائیویسی سمجھیں اور عزت دیں'۔
واضح رہے کہ اے آر رحمان نے 12 مارچ 1995 کو سائرہ بانو سے شادی کی تھی اور جوڑے کے تین بچے ہیں۔
اے آر رحمان اور سائرہ کی ارینج میرج ہوئی تھی، موسیقار نے ایک انٹرویو میں انکشاف کیا تھا کہ ان کی والدہ نے سائرہ سے شادی کرائی تھی۔
مزید خبریں :
فلموں کی ناکامی پر باتھ روم میں جاکر رویا: شاہ رخ کا انکشاف
19 نومبر ، 2024
