21 نومبر ، 2024 
رواں سال سندھ بھر میں ایچ آئی وی ایڈز کے مریضوں میں اضافہ
21 نومبر ، 2024
کراچی: رواں سال سندھ بھر میں ایچ آئی وی ایڈز کے مریضوں میں اضافہ سامنے آیا ہے۔
اعداد و شمار کے مطابق رواں سال جنوری سے اکتوبر تک سندھ بھر میں ایچ آئی وی ایڈز کے 2 ہزار 531 کیسز سامنے آئے ہیں۔
ایچ آئی وی ایڈز سے متاثرہ افراد میں ایک ہزار 313 مرد، 615 خواتین اور 227 خواجہ سرا شامل ہیں جب کہ 156 بچیاں اور 220 بچے بھی اسی مرض میں مبتلا ہوئے۔
اس کے علاوہ رواں سال سندھ بھر میں ایڈز سے متاثرہ 135 افراد انتقال کر چکے ہیں، انتقال کر جانے والوں میں 78 مرد، 20 خواتین، 2 خواجہ سرا 11بچے اور 24 بچیاں شامل ہیں۔
اس سے قبل جنوری سے دسمبر 2023 تک ایڈز کے 3045 کیسز اور 277 ہلاکتیں رپورٹ ہوئی تھیں۔
خیال رہے کہ ہیومن امیونو ڈیفیشنسی وائرس (ایچ آئی وی ) ایک ایسا انفیکشن ہے جو جسم کے مدافعتی نظام پر حملہ کرتا ہے، ایکوائرڈ امیونو ڈیفیشنسی سنڈروم (ایڈز) بیماری کی آخری اسٹیج ہے۔
مزید خبریں :
یورک ایسڈ کو کنٹرول کرنے والے بہترین مشروبات
53 منٹ پہلے
ذیابیطس ٹائپ 2 جیسا مرض تیزی سے پھیلنے کی اہم وجہ دریافت
20 نومبر ، 2024
وہ عام عادت جس سے ہر عمر میں دماغ کو جوان رکھنے میں مدد ملتی ہے
20 نومبر ، 2024
سبز چائے پینے کا یہ اثر جانتے ہیں؟
19 نومبر ، 2024
