23 نومبر ، 2024 
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں ڈکیتی مزاحمت کے دوران فائرنگ سے ایک اور شہری زندگی سے ہاتھ دھو بیٹھا۔
کراچی میں فائیو اسٹار چورنگی پر ڈاکوؤں نے مزاحمت پر فائرنگ کرکے ایک اور گھر اجاڑ دیا، مقتول سلمان لیاقت آباد نمبر ایک کا رہائشی، 4 بچوں کا باپ اور کیٹرنگ کا کام کرتا تھا۔
مقتول سلمان اپنے دوست بلال کے ہمراہ نارتھ ناظم آباد بلاک ایل میں واقع اپنے دوست کے گھر سے واپس اپنے گھر جا رہا تھا۔
دوست بلال اور واقعے کے عینی شاہد نے جیو نیوز کو بتایا کہ فائیو اسٹار فلائی اوور پر 2 موٹر سائیکل سوار 4 ڈکیتوں نے لوٹ مار کی کوشش کی، مزاحمت پر مسلح ملزمان نے فائرنگ کردی۔
پولیس کے مطابق مسلح ملزمان کی جانب سے ایک گولی چلائی گئی جو جان لیوا ثابت ہوئی، جائے وقوعہ سے بھی ایک گولی اور ایک خول ملا ہے۔
واضح رہے کہ رواں سال ڈکیتی مزاحمت کے دوران فائرنگ سے107افراد قتل ہو چکے ہیں اور زخمیوں کی ایک الگ تعداد ہے تاہم پولیس امن و امان کی صورتحال پر صرف چین کی بانسری بجا رہی ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
