25 نومبر ، 2024 
ویڈیو: اسلام آباد کے جوڑے نے بند راستوں اور کنٹینرز کے بیچ فوٹو شوٹ کرالیا
25 نومبر ، 2024
اسلام آباد سمیت راولپنڈی اور لاہور میں پاکستان تحریک انصاف کے احتجاج کے سبب راستے بند ہیں جس سے عوام کو شدید مشکلات پیش آرہی ہیں۔
ایسے میں سوشل میڈیا پر شادی کا ایک فوٹو شوٹ وائرل ہورہا ہے جس میں احتجاج کے باعث شہر بند ہونے سے دُلہا دُلہن نے گھبرانے کے بجائے صورتحال میں ڈھلنا مناسب سمجھا۔
تمام رکاوٹوں کو عبور کرتے ہوئے ایک جوڑے نے اس موقع کا بھرپور فائدہ اٹھایا اور کنٹینرز کے ساتھ ہی فوٹو شوٹ کروالیا۔
اس جوڑے نے سڑکوں پر کھڑی کی گئی رکاوٹوں کے سامنے ہی فوٹو شوٹ کیا جو اب سوشل میڈیا کی زینت بن چکا ہے۔
مختلف سوشل میڈیا پلیٹ فارمز پر وائرل ہونے والی تصاویر اور ویڈیوز میں اسلام آباد سے تعلق رکھنے والی خولہ اور قاسم کو دیکھا جا سکتا ہے جنہوں نے احتجاجی ریلی کے باعث سڑکوں کے کنارے کھڑے کنٹینرز کے سامنے فوٹو شوٹ کروا کر اپنے اس خاص دن کو یاد گار بنا دیا۔
وائرل ویڈیوز و تصاویر صارفین کی توجہ تیزی سے حاصل کر رہے ہیں جنہیں 15 گھنٹے سے بھی کم وقت میں مجموعی طور پر 20 ہزار سے زائد لوگ پسند کرچکے ہیں۔
مزید خبریں :
سائرہ بانو نے اے آر رحمان سے علیحدگی پر خاموشی توڑ دی
24 نومبر ، 2024
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
