26 نومبر ، 2024 
نجومی نے ندا کو بتایا آپ کے 3 اور آپ کے شوہر کے 4 بچے ہیں: یاسر نواز نے دلچسپ واقعہ سنا دیا
26 نومبر ، 2024
پاکستانی اداکار و ہدایتکار یاسر نواز نے انکشاف کیا ہے کہ ایک مرتبہ ندا کے شو پر آئے پامسٹ نے انہیں بتایا تھا کہ یاسر کا ایک بچہ اور بھی ہے۔
حال ہی میں یاسر نواز نے جیو نیوز کے پروگرام ہنسنا منع ہے میں شرکت کی جس میں انہوں نے مداحوں کو یادگار قصہ سنایا۔
ہدایتکار نے کہا کہ ایک بار ندا کے مارننگ شو میں ایک پامسٹ آیا، ندا ان سب پر یقین نہیں رکھتی لیکن اس نجومی نے خود ہی ندا کا زائچہ نکالا اور کہا کہ آپ کے شوہر کا ایک اور بچہ بھی ہے۔
یاسر نواز کا کہنا تھا کہ مارننگ شو کے وقفے کے دوران پامسٹ نے ندا یاسر کا ہاتھ دیکھ کر انہیں بتایا کہ آپ کے تین جب کہ یاسر نواز کے چار بچے ہیں جس پر ندا نے پامسٹ سے پوچھا کہ کیا ان کے شوہر کی دوسری شادی ہے؟ پامسٹ نے کہا شادی نہیں ہے لیکن بچہ ایک اور ہے۔
اداکار کے مطابق پامسٹ کے دعوے پر ندا کو شک ہوا اور انہوں نے مجھ سے پوچھا کہ میرا ایک بچہ کس سے ہے؟ پامسٹ کے دعوے کے بعد ایک بار میں نے اپنے فٹنس ٹرینر کے بچےکے ساتھ تصویر لی اور پوسٹ کی تو ندا یاسر کو شک گزرا کہ وہ بچہ میرا ہی تو نہیں۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
2 گھنٹے پہلے
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
