26 نومبر ، 2024 
ملیکا شراوت نے فرانسیسی بزنس مین سائرل سے بریک اپ پر خاموشی توڑدی
26 نومبر ، 2024
آئٹم گانوں سے مشہور 48 سالہ بالی وڈ اداکارہ ملیکا شراوت نے سنگل ہونے کی تصدیق کردی۔
بھارتی میڈیا کو دیے گئے انٹرویو کے دوران ملیکا نے تصدیق کرتے ہوئے بتایا یہ سچ ہے کہ میں سنگل ہوں، مکمل اعتماد کے ساتھ اپنی تنہائی کو قبول کرتی ہوں اور اسے اپنے لیے آزادی تسلیم کرتی ہوں۔
شادی کے سوال پر ملیکا شراوت کا کہنا تھا کہ’ میں شادی کے لیے نہیں ہوں لیکن میں شادی کے خلاف بھی نہیں ہوں، اہم یہ ہے دو لوگ کیا چاہتے ہیں‘ ۔
دوران گفتگو اداکارہ نے فرانسیسی بزنس مین سائرل آکزین فینس سے ماضی کے تعلق پر بات کرنے سے گریز کرتے ہوئے کہا کہ ' آج کے دور میں ایک قابل آدمی کو تلاش کرنا بہت مشکل ہے، ہم الگ ہوچکے ہیں اور میں اس حوالے سے کوئی بات نہیں کرنا چاہتی‘۔
دوسری جانب بالی وڈ سے 2 سال کے بریک کے بعد ’وکی اور ودیا کا وہ والا ویڈیو‘ سے واپسی پر اپنے خیالات کا اظہار کرتے ہوئے ملیکا شراوت کا کہنا تھا کہ میں جہاں بھی گئی، مجھے سب ویسا ہی ملا، وہی پیار اور وہی عزت ملی۔
واضح رہے کہ ملیکا شراوت اپنے قریبی دوست اور فرانسیسی بزنس مین سائرل آکزین فینس سے کئی برسوں سے تعلق میں تھیں۔
2016 میں بھارتی میڈیا پر خبریں بھی سامنے آئی تھیں کہ ملیکا شراوت نے طویل عرصہ محبت کے بعد فرانسیسی بزنس مین سائرل آکزین فینس سے دوسری شادی کرلی ہے۔
اس سے قبل ملیکا نے 2000 میں بالی وڈ میں قدم رکھنے سے پہلے کرن سنگھ گل سے پہلی شادی کی تھی جو کامیاب نہیں ہوسکی تھی۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
4 گھنٹے پہلے
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
