26 نومبر ، 2024 
افغانستان نے پاکستان کو فائنل میں شکست دیکر انڈر 19 ٹرائنگولر کرکٹ سیریز جیت لی
26 نومبر ، 2024
انڈر 19 ٹرائنگولر کرکٹ سیریز کے فائنل میں افغانستان نے پاکستان کو 21 رنز سے شکست دے دی۔
دبئی کی آئی سی سی کرکٹ اکیڈمی میں کھیلے گئے فائنل میں افغانستان نے پہلے بیٹنگ کرتے ہوئے مقررہ 50 اوورز میں9 وکٹوں کے نقصان پر 250 رنز اسکور کیے۔
برکت اللہ نے 79 اور نازیف اللہ نے 56رنز اسکور کیے، دونوں کھلاڑیوں کے درمیان 130رنز کی شراکت بھی ہوئی۔
پاکستان کی جانب سے علی رضا اور عبدالسبحان نے 3، 3 وکٹیں حاصل کیں۔
افغانستان کے 251 رنز کے ہدف کے جواب میں پاکستانی ٹیم 48 اوورز میں 229 رنز بناکر آؤٹ ہوگئی۔
یوں افغانستان نے 21 رنز سے شکست دے کر انڈر 19 ٹرائنگولر کرکٹ سیریز اپنے نام کرلی۔
واضح رہے کہ انڈر 19 ٹرائنگولر کرکٹ سیریز میں پاکستان اور افغانستان کے علاوہ متحدہ عرب امارات کی ٹیم شامل تھی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
