27 نومبر ، 2024 
پاکستان
جج کی بہادری کا اندازہ بیرونی دباؤ کا مقابلہ کرنے سے لگایا جاسکتا ہے: جسٹس منصور علی شاہ/ فائل فوٹو
جسٹس منصور علی شاہ نے بھٹو ریفرنس پر اضافی نوٹ جاری کردیا
27 نومبر ، 2024
اسلام آباد: سپریم کورٹ کے سینئر ترین جج جسٹس منصور علی شاہ نے بھٹو ریفرنس پر اضافی نوٹ جاری کردیا۔
جسٹس منصورعلی شاہ نے اضافی نوٹ میں لکھا کہ جسٹس دراب پٹیل نے بھٹو کیس میں جرأت مندی سے اختلاف کیا، ضیاء کے عبوری آئین کے تحت حلف اٹھانے سے انکار کیا، جج کی بہادری کا اندازہ بیرونی دباؤ کا مقابلہ کرنے سے لگایا جاسکتا ہے۔
انہوں نے اضافی نوٹ میں لکھا کہ آمرانہ دور میں ججوں کویاد رکھنا چاہیے، ان کی اصل طاقت عہدے پر رہنا نہیں آزادی قائم رکھنا ہے، آمرانہ مداخلتوں کا مقابلہ کرنے میں تاخیر قانون کی حکمرانی کیلئے مہلک ثابت ہوسکتی ہے۔
جسٹس منصورعلی شاہ نے مزید لکھا کہ دراندازیوں کی فوری مزاحمت اور اصلاح کی جانی چاہیے، عدلیہ کاکردار انصاف کا دفاع کرنا ہے۔
مزید خبریں :
کراچی میں آئندہ 24 گھنٹوں میں موسم کیسا رہے گا؟
2 گھنٹے پہلے
ملک کے آلودہ ترین شہروں میں سکھر سرفہرست رہا
3 گھنٹے پہلے
