دنیا

واپس گاؤں نہ لیجانے پر جھگڑا، قصائی نے خاتون دوست کو قتل کر کے 50 ٹکڑے کرڈالے

28 نومبر ، 2024

واپس گاؤں نہ لیجانے پر جھگڑا، قصائی نے خاتون دوست کو قتل کر کے 50 ٹکڑے کرڈالے — 25 سالہ قصاب نریش بھنگڑا اور 24 سالہ گنگی کماری جوردگ گاؤں کے رہائشی تھے لیکن ملازمت کی وجہ سے وہ ریاست تامل ناڈو میں ایک ساتھ رہ رہے تھے/ فوٹو بھارتی میڈیا

بھارت: ایک ساتھ رہنے کے باوجود دوسری خاتون سے شادی کرنے پر جھگڑ ے میں سفاک شخص نے ساتھ رہنے والی خاتون کے 50 ٹکڑے کر دیے۔

بھارتی میڈیا کے مطابق 25 سالہ قصاب نریش بھنگڑا اور 24 سالہ گنگی کماری جوردگ گاؤں کے رہائشی تھے لیکن ملازمت کی وجہ سے وہ ریاست تامل ناڈو میں ایک ساتھ رہ رہے تھے۔

اس حوالے سے پولیس کی جانب سے بتایا گیا کہ دونوں گزشتہ کچھ عرصے سے تعلق میں تھے تاہم نریش نے بغیر بتائے گاؤں جاکر ایک دوسری خاتون سے شادی کر لی اور پھر وہ دوبارہ تامل ناڈو آکر گنگی کماری کے ساتھ رہنے لگا۔

یہ بھی پڑھیں

پولیس نے بتایا کہ گنگی کماری واپس گاؤں جانا چاہتی تھی جس پر اس نے نریش سے ضد کی تاہم نریش گنگی کو گھر لے کر جانا نہیں چاہتا تھا۔

پولیس کے مطابق دونوں کے درمیان جھگڑا اس وقت ہوا جب گنگی کماری نے تامل ناڈو لے کر جانے سے انکار پر نریش سے اپنی واجب الادا رقم کا مطالبہ کیا، رقم واپسی کے مطالبے پر نریش نے گنگی کماری کو قتل کرنے کا منصوبہ بنایا اور اسے جنگل لے گیا جہاں دوپٹے سے گنگی کا گلا گھونٹا اور پھر اس کی لاش کے 50 ٹکڑے کرکے جنگل میں پھیک دیے۔

پولیس نے بتایا کہ اس واقعے کا علم تب ہوا جب ایک آوارہ کتے کو انسانی باقیات کے ساتھ دیکھا گیا، جس پر پولیس نے تحقیقات کا آغاز کیا اور انسانی باقیات کے ساتھ ایک بیگ پایا جس میں گنگی کماری کے کاغذات اور تصویر سمیت دیگر ضروری سامان موجود تھا۔

پولیس نے بتایا کہ تحقیق کرنے پر ملزم کو ریاست جھارکھنڈ کے ضلع کھنٹی سے گرفتار کیا گیا، جس نے دوران تفتیش اپنے جرم کا اعتراف بھی کرلیا۔