28 نومبر ، 2024 
ناسا مستقبل کے مسافر طیارے کی تیاری میں مصروف
28 نومبر ، 2024
امریکی خلائی ادارے ناسا کی جانب سے صرف مریخ اور چاند تک انسانوں کی رسائی کے منصوبوں پر غور نہیں کیا جا رہا بلکہ وہ مستقبل کے ایک مسافر طیارے کی تیاری پر بھی کام کر رہا ہے۔
ناسا کے سسٹین ایبل فلائٹ ڈیمونسٹریٹر پراجیکٹ کے تحت ایکس 66 نامی منفرد طیارے کی تیاری پر کام کیا جا رہا ہے۔
ناسا نے اس کام کے لیے بوئنگ کے ساتھ اشتراک کیا ہے اور اس منصوبے کا مقصد کمرشل طیاروں کو بدل دینا ہے۔
ایکس 66 کے ڈیزائن کی جھلک ایک ماڈل کی شکل میں سامنے آئی جو لینگلے ریسرچ سینٹر کی ایک ونڈ ٹنل میں نصب کیا گیا ہے۔
طیارے کے بارے میں زیادہ تفصیلات تو ابھی سامنے نہیں آئیں مگر ماہرین کی جانب سے اس کے مختلف پہلوؤں کی جانچ پڑتال کی جا رہے ہیں جس کے بعد ڈیزائن کو حتمی شکل دی جائے گی۔
اگلے مرحلے میں پروٹوٹائپ طیارے کی آزمائش ونڈ ٹنل میں کی جائے گی اور پھر اصل طیارے کو تیار کیا جائے گا۔
ناسا کے مطابق ایکس 66 کے منفرد ڈیزائن کے متعدد فوائد ہیں۔
امریکی ادارے کا کہنا تھا کہ جب جدید ٹیکنالوجیز کو باہم ملائیں گے تو ایندھن کا استعمال 30 فیصد کم ہوگا جبکہ طیارے سے زہریلی گیسوں کا اخراج بھی کم ہوگا۔
مزید خبریں :
یوٹیوب میں ایک نئے گیم چینجر فیچر کا اضافہ
57 منٹ پہلے
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
