28 نومبر ، 2024 
جونیئر ہاکی ایشیاکپ: پاکستان نے بنگلادیش کو 0-6 سے شکست دے دی
28 نومبر ، 2024
پاکستان نے جونیئر ہاکی ایشیا کپ میں بنگلادیش کو 0-6 سے شکست دے کر ایونٹ میں مسلسل دوسری کامیابی حاصل کرلی۔
پاکستان کے اس دوسرے گروپ میچ میں سفیان خان نے شاندار کارکردگی کا مظاہرہ کرتے ہوئے 3 گول اسکور کیے اور ہیٹ ٹرک مکمل کی جبکہ محمد عماد، رانا ولید اور ذکریا حیات نے ایک، ایک گول اسکور کیا۔
پاکستان کی جانب سے پہلا گول 23 ویں منٹ میں سفیان خان نے پنالٹی کارنر پر اسکور کیا اور محمد عماد نے چند ہی لمحوں بعد پاکستان کی برتری 0-2کردی۔
میچ کے 32ویں اور 43 ویں منٹ میں سفیان خان نے 2 مزید گول داغے، جبکہ رانا ولید نے 51ویں منٹ میں اور ذکریا حیات نے 60ویں منٹ میں ایک، ایک گول اسکور کیا۔
میچ کے بہترین کھلاڑی کا اعزاز محمد عماد کو دیا گیا۔
عمان میں جاری جونیئر ہاکی ایشیا کپ میں پاکستان نے اس سے قبل اپنے پہلے میچ میں چین کو 2-7 سے شکست دی تھی، ایونٹ میں پاکستان کا اگلا میچ 30 نومبر کو عمان کے خلاف ہوگا۔
مزید خبریں :
جیو نیوز پوڈکاسٹ: کون ہے ہمارا پہلا مہمان؟
28 نومبر ، 2024
