28 نومبر ، 2024 
محبت کی خاطر مقبوضہ کشمیر سے ایل او سی عبور کرکے آزادکشمیر آنیوالی لڑکی گرفتار
28 نومبر ، 2024
محبت کی خاطر مقبوضہ کشمیر سے لائن آف کنٹرول (ایل او سی) عبور کرکے آزادکشمیر پہنچنے والی لڑکی کو پولیس نےگرفتار کرلیا۔
پولیس کے مطابق گاؤں کیرنی میں موجودگی کی اطلاع پرکہوٹہ پولیس نے کنٹرول لائن عبور کرنے والی فاطمہ کوگرفتار کرکے مقدمہ درج کرلیا۔
لڑکی نے آزادکشمیر کے لڑکےکی جانب سے شادی کے وعدے پر 24 نومبرکو کنٹرول لائن کراس کی اورپونچھ آگئی۔
لڑکی نے پولیس کو بتایا کہ کنٹرول لائن کراس کرنے کے بعد عمران اپنے گھر لے آیا، عمران میرے بھائی کے ساتھ بیرون ملک ملازمت کرتاہے، عمران سے اکثر فون پر بات ہوتی رہتی تھی۔
لڑکی کے ساتھ مقامی نوجوان عمران کوبھی گرفتارکرلیا گیا۔ لڑکے پرکنٹرول لائن عبور کرانے اور والدین کی مرضی کےخلاف شادی کی ترغیب دینے کا الزام ہے۔
لڑکی اور لڑکے کی رہائی اور حوالگی کے لیے اہلخانہ نے مجسٹریٹ کے پاس درخواست دائر کردی ہے۔
مزید خبریں :
خیبر پختونخوا حکومت کا صوبے میں 3 روز ہ سوگ کا اعلان
2 گھنٹے پہلے
ایمنڈ کی صحافی مطیع اللہ جان کی گرفتاری کی مذمت
8 گھنٹے پہلے
