01 دسمبر ، 2024 
بھارتی فلم ’پشپا 2‘ نے ریلیز سے قبل شاہ رخ کی ’پٹھان‘ کا ریکارڈ توڑ ڈالا
01 دسمبر ، 2024
بھارت کی تیلگو فلم انڈسٹری کے سپر اسٹار الو ارجن کی فلم ’پشپا 2‘ نے ریلیز سے قبل ہی ریکارڈ توڑ دیے۔
الو ارجن اور رشمیکا کی فلم ’پشپا 2‘ 5 دسمبر کو سنیما گھروں میں ریلیز کی جائے گی تاہم اس فلم نے ریلیز سے قبل ہی بالی وڈ فلموں کو پچھاڑ دیا ہے۔
بھارتی میڈیا رپورٹس کے مطابق پشپا 2 نے ریلیز سے قبل ایڈوانس میں کروڑوں بھارتی روپے کمالیے اور صرف 12 گھنٹوں میں فلم کے 3 لاکھ ٹکٹس فروخت ہوئے۔
رپورٹس میں کہا گیا ہے کہ پشپا 2 نے صرف 12 گھنٹوں میں 3 لاکھ ٹکٹس کی فروخت کی مد میں 10 کروڑ بھارتی روپے کمائے ہیں جن میں ہندی زبان میں ڈب فلم سے 5.5 کروڑ بھارتی روپے اور دیگر میں 4.5 کروڑ بھارتی روپے شامل ہیں۔
رپورٹس کے مطابق پشپا 2 نے 12 گھنٹوں میں ایڈوانس بکنگ میں شاہ رخ خان کی فلم ’پٹھان‘ کو پیچھے چھوڑ دیا ہے اور رواں سال جنوری میں ’پٹھان‘ کے ایک دن میں 2 لاکھ ٹکٹس ہی فروخت ہوسکے تھے۔
اس کے علاوہ پشپا 2 کے فلم ’کے جی ایف 2‘ کو بھی ریلیز سے قبل کمائی میں پیچھے چھوڑ دیا ہے۔
مزید خبریں :
معروف بھارتی اداکارہ نے مبینہ طور پر خودکشی کرلی
01 دسمبر ، 2024
ہندو سوشل میڈیا انفلوئنسر خانہ کعبہ جانے کا خواہشمند
30 نومبر ، 2024
اداکارہ مریم نفیس کے ہاں پہلے بچے کی پیدائش جلد متوقع
30 نومبر ، 2024
