02 دسمبر ، 2024 
ویڈیو: ابھیشیک بچن کے بیویوں سے متعلق بیان نے سب کو چونکا دیا
02 دسمبر ، 2024
بالی وڈ اداکار ابھیشیک بچن نے شادی شدہ افراد کو بیویوں سے متعلق مشورہ دیا ہے۔
ابھیشیک بچن نے گزشتہ رات ممبئی میں فلم فیئر او ٹی ٹی ایوارڈز 2024 میں شرکت کی اور کرینہ کپور کو ایوارڈ پیش کیا جب کہ ایوارڈ شو کے دوران ابھیشیک بچن کی میزبان کے ساتھ ہونے والی گفتگو وائرل ہورہی ہے۔
اس بات چیت میں اداکار نے بتایا کہ بیویوں کے معاملے میں مردوں کو کیا کرنا چاہیے۔
میزبان نے ابھیشیک سے مخاطب ہوتے ہوئے کہا کہ'ایک چھوٹا سا سوال ہے کہ آپ اتنی اچھی پرفارمنس دیتے ہیں کہ ناقدین بھی لاجواب ہوجاتے ہیں اور کچھ کہہ نہیں پاتے، آپ ایسا کیسے کرلیتے ہیں؟'
جواب میں ابھیشیک نے کہا 'یہ بہت سادہ بات ہے، اس میں ہمارا کمال نہیں، جو ڈائریکٹر کہتا ہے ہم وہی کرتے ہیں اور کام کرکے خاموشی سے گھر چلے جاتے ہیں'۔
تاہم میزبان نے اس جواب کا بیوی کی بات ماننے سے موازنہ کیا جس پر ابھیشیک نے کہا 'تمام شادی شدہ مردوں کو یہ کرنا چاہیے، جو بیوی کہے اس کی بات مانیں اور وہی کریں'۔
اداکار کی یہ ویڈیو سوشل میڈیا پر بہت وائرل ہورہی ہے۔
واضح رہے کہ ابھیشیک بچن کی یہ ویڈیو ایسے وقت میں سامنے آئی ہے جب ان کی اہلیہ ایشوریا رائے کے ساتھ طلاق کی خبریں سرگرم ہیں۔
ابھیشیک اور ایشوریا 2007 میں شادی کے بندھن میں بندھے تھے تاہم اب کچھ عرصے سے دونوں میں طلاق کی افواہیں گردش کررہی ہیں۔
ایشوریا نے حال ہی میں انسٹاگرام پر آرادھیا کی 13ویں سالگرہ کی تقریب کی تصاویر شیئر کی تھیں تاہم ان تصاویر میں بھی ابھیشیک موجود نہیں تھے۔
مزید خبریں :
معروف بھارتی اداکارہ نے مبینہ طور پر خودکشی کرلی
01 دسمبر ، 2024
ہندو سوشل میڈیا انفلوئنسر خانہ کعبہ جانے کا خواہشمند
30 نومبر ، 2024
اداکارہ مریم نفیس کے ہاں پہلے بچے کی پیدائش جلد متوقع
30 نومبر ، 2024
