10 دسمبر ، 2024 
چینی پھر مہنگی ہونے لگی، ایکس مل قیمت 115 روپے سے بڑھ کر 125 روپے فی کلو ہوگئی
10 دسمبر ، 2024
ملک میں چینی پھر مہنگی ہونے لگی اور ایکس مل قیمت بھی 10 روپے فی کلو بڑھ گئی۔
گزشتہ 20 دنوں میں چینی کی ایکس مل قیمت 115سے بڑھ کر 125روپےفی کلو ہو گئی جبکہ چھوٹے دکانداروں نے چینی کی فی کلو قیمت 125 سے بڑھا کر 140 روپے کر دی۔
شوگر ڈیلرز نے خبردار کیاہے کہ حکومت نے اگر معاملے کو سنجیدہ نا لیا تو صورت حال سنگین ہو سکتی ہے۔
لاہور میں شوگر ڈیلرزنےبتایاکہ کرشنگ سیزن چل رہا ہے، ایسے میں چینی کی قیمت بڑھنا غیرمعمولی بات ہے، چینی کی برآمد اور گزشتہ سال کی نسبت 6 سے7 لاکھ ٹن کم پیداوار کی افواہ بنا کر مصنوعی قلت پیدا کی جا رہی ہے۔
ان کا مزید کہنا تھا کہ حکومت نے7 لاکھ 90 ہزار ٹن چینی کی برآمد کی اجازت دی جس میں سے 3 لاکھ 77 ہزار ٹن برآمدہو چکی ہے۔
30 نومبر تک ملک میں شوگر کا اسٹاک7 لاکھ 66 ہزار میٹرک ٹن تھا جس میں سے 4 لاکھ 13 ہزار میٹرک ٹن درآمد ہونا ہے، نومبر کے آخری 2ہفتوں میں کرشنگ سے یومیہ پیداوار محض 13 ہزار ٹن رہی جبکہ ملک میں روزانہ کی کھپت 18 سے 20 ہزار ٹن ہے۔
مزید خبریں :
انٹربینک میں ڈالر 10 پیسے مہنگا ہوگیا
27 فروری ، 2025
اسٹاک ایکسچینج کے 100 انڈیکس میں معمولی کمی
27 فروری ، 2025
ملک بھر میں سونے کی قیمت میں مسلسل تیسرے روز کمی
27 فروری ، 2025
پاکستان میں مردوں کے مقابل کتنے فیصد خواتین کے بینک اکاؤنٹس ہیں؟
27 فروری ، 2025
اسٹاک ایکسچینج میں کاروبار کا منفی دن، 100 انڈیکس میں کمی
26 فروری ، 2025
