12 دسمبر ، 2024 
ریڈ بال کوچ ٹم نیلسن کا پاکستان ٹیم کے ساتھ سفر ختم، ہیڈ کوچ کا مستقبل بھی خدشات کا شکار
12 دسمبر ، 2024
لاہور: پاکستان کرکٹ بورڈ نے ٹیسٹ ٹیم کے کوچ ٹم نیلسن کے معاہدے میں مزید توسیع نہیں کی۔
جیو نیوز کے مطابق پی سی بی نے جنوبی افریقا کے خلاف ٹیسٹ سیریز کے لیے ہائی پرفارمنس ریڈ بال کوچ ٹم نیلسن کے معاہدے میں توسیع نہیں کی ہے۔
کرکٹ ویب سائٹ سے گفتگو کرتے ہوئے ٹم نیلسن نےکہا کہ میں توسیع کے حوالے سے انتظار کررہا تھا، ہم اچھے انداز سے آگے بڑھ رہے تھے، جنوبی افریقا اور ویسٹ انڈیز کے خلاف سیریز کے لیے تیار تھے مگر پی سی بی نے بتایا ہے کہ آپ کی خدمات درکار نہیں ہیں۔
یاد رہےکہ ٹم نیلسن کو ریڈ بال ہیڈ کوچ جیسن گلیسپی اپنے ساتھ لائے تھے اور ان کی اگست میں ٹیسٹ ٹیم کے ساتھ تقرری کی گئی تھیں۔
یہ باتیں بھی زیر گردش ہیں کہ پی سی بی نے ہیڈ کوچ جیسن گلیسپی کو بھی اس حوالے سے نہیں بتایا کیونکہ پی سی بی کاگلیسپی پر اعتماد نہیں رہا۔
کرکٹ ماہرین کے مطابق جیسن گلیسپی کا پاکستان ٹیسٹ ٹیم کے ساتھ مستقبل خدشات کا شکار ہے حالانکہ پی سی بی نے جنوبی افریقا کے خلاف ٹیسٹ سیریز کے لیے جیسن گلیسپی کا بطور ہیڈ کوچ کا اعلان کیا تھا۔
مزید خبریں :
سعودی عرب کو فیفا ورلڈکپ 2034 کی میزبانی مل گئی
11 دسمبر ، 2024
پہلا ٹی ٹوئنٹی: جنوبی افریقا نے پاکستان کو 11 رنز سے شکست دیدی
11 دسمبر ، 2024
