12 دسمبر ، 2024 
آئی ایم ایف نے این ایف سی ایوارڈ میں تبدیلی کی شرائط نہیں لگائیں، وزیر خزانہ
12 دسمبر ، 2024
کراچی: وفاقی وزیر خزانہ محمد اورنگزیب نے کہا ہے کہ آئی ایم ایف نے این ایف سی ایوارڈ میں تبدیلی کی شرائط نہیں لگائیں۔
کراچی میں میڈیا سے گفتگو کرتے ہوئے محمد اورنگزیب نےکہا کہ اسلامی مالیاتی نظام پر منتقلی کے سفر میں سب کو مل کر چلنا ہے، شریعہ اصولوں پر مرتب پراڈکٹ سے صارف کا اعتماد حاصل کرنا ہے، حکومت کو سکوک کے ذریعے سود سے پاک قرض مل سکتا ہے۔
وزیر خزانہ نے کہا کہ دنیا میں ویلیو فنانشل خدمات کی مانگ بڑھ رہی ہے، ایس ای سی پی ریگولیٹری ماحول فراہم کر رہا ہے، ایس ای سی پی کی توجہ شعبےکی صلاحیت بڑھانے پربھی ہے۔
محمد اورنگزیب نے کہا کہ معاشی چیلنجز درپیش، تھے انہیں حل کیا ہے، ہماری معاشی سمت درست ہے۔
وزیر خزانہ نے کہا کہ آئی ایم ایف نے این ایف سی ایوارڈ میں تبدیلی کی کوئی شرائط نہیں لگائیں، این ایف سی میں تبدیلی کے لیے صوبوں کے ساتھ مشاورت ضروری ہے اگر ایک صوبے میں آبادی یا فارمولا کے اعدادوشمار تبدیل ہو جائیں تو نیا معاہدہ کرنا پڑےگا۔
وزیر خزانہ نے کہا کہ اس وقت کی حکومت کو این ایف سی میں تبدیلی کرنا چاہیے تھی، وزارت خزانہ کے پاس تو جتنے فنڈز ہیں ان میں سے ہی تقسیم ہوں گے۔
مزید خبریں :
انٹر بینک میں ڈالر کی قدر میں اضافے کا سلسلہ جاری
1 گھنٹے پہلے
سونے کی قیمت میں آج بھی بڑا اضافہ
6 گھنٹے پہلے
پیٹرول اور ڈیزل کی قیمت میں اضافے کا فیصلہ
11 گھنٹے پہلے
کراچی سمیت ملک بھر کے صارفین کیلئے بجلی مزید مہنگی کردی گئی
11 دسمبر ، 2024
روپے کی قدر میں کمی، ڈالر مزید مہنگا ہوگیا
11 دسمبر ، 2024
ملک میں سونے کی قیمت میں بڑا اضافہ
11 دسمبر ، 2024
