15 دسمبر ، 2024 
پنڈی اور لاہور میں کل چھٹی کا اعلان، تمام تعلیمی ادارے بند رہیں گے
15 دسمبر ، 2024
پنجاب کے دارالحکومت لاہور اور راولپنڈی میں کل بروز پیر 16 دسمبر کو تعلیمی اداروں میں چھٹی کا اعلان کردیا گیا۔
ڈپٹی کمشنرحسن وقار چیمہ نے عام تعطیل کا نوٹیفکیشن جاری کردیا۔ نوٹیفکیشن کے مطابق کل ضلع میں تمام تعلیمی ادارے بند رہیں گے۔
اس کے علاوہ لاہورضلع میں بھی نجی و سرکاری اسکولوں اور کالجز میں کل چھٹی کا اعلان کیا گیا ہے۔ ڈپٹی کمشنر لاہور نے چھٹی کے حوالے سے نوٹیفکیشن جاری کیا جس کے مطابق لاہور ضلع کے تمام نجی و سرکاری اسکول اور کالج کل بند رہیں گے۔
سی ای اوایجوکیشن نذرحسین چھینہ کا کہنا تھاکہ کل لاہور کے تمام پبلک وپرائیویٹ اسکولز بند رہیں گے۔ انہوں نے کہا کہ سقوطِ ڈھاکا اور سانحہ اے پی ایس پشاور کے شہدا کی یاد میں نوٹیفکیشن جاری کیا۔
ان کا کہنا تھاکہ شہدا آرمی پبلک اسکول پشاورکی قربانیوں کو کبھی فراموش نہیں کریں گے، اے پی ایس پشاور میں بچوں کی شہادت نے قوم کو مضبوط اور متحد کیا۔
