17 دسمبر ، 2024 
پاکستان
ڈپٹی کمشنر کا کہنا ہےکہ 7 سے 8 کلو میٹر کا علاقہ آگ کی لپیٹ میں ہے،فوٹو: اسکرین شاٹ
عمرکوٹ:کھوکرا پار کے جنگلات میں آتشزدگی، قریبی دیہاتوں کے متعددگھر جل کر خاکستر
17 دسمبر ، 2024
عمرکوٹ کی تحصیل کھوکرا پار کے جنگلات میں آگ لگ گئی جس کے باعث قریب کے دیہاتوں کے متعدد گھر نذر آتش ہوگئے۔
پولیس کے مطابق تحصیل کھوکراپار کے جنگلات میں آگ لگنے سےگاؤں لپلو، سوموں سماں، ران کدھر اور جمعوں جوتر کےکئی گھروں کونقصان پہنچا ہے۔
جنگلات میں آگ لگنے سے متعدد مکانات جل گئے، متاثرہ گھروں میں موجود اناج اور دیگر سامان بھی جل کر خاک ہوگیا۔
ڈپٹی کمشنر کا کہنا ہےکہ 7 سے 8 کلو میٹر کا علاقہ آگ کی لپیٹ میں ہے، متاثرہ دیہاتوں میں امدادی کارروائیاں جاری ہیں اور امدادی ٹیمیں روانہ کردی گئی ہیں۔
