18 دسمبر ، 2024 
غزہ جنگ بندی معاہدہ اسی وقت ہوگا جب اسرائیل نئی شرائط نہ لگائے: حماس
18 دسمبر ، 2024
اسرائیل اور فلسطینی مزاحتمی تحریک حماس کے درمیان غزہ جنگ بندی معاہدہ چند روز میں ہونے کا امکان ظاہر کیا جا رہا ہے۔
غیر ملکی خبر رساں ادارے کے مطابق قاہرہ میں غزہ جنگ بندی مذاکرات کا سلسلہ جاری ہے جبکہ چند دن میں جنگ بندی ہونے کا امکان بھی ظاہر کیا گیا ہے۔
فلسطین کی مزاحمتی تنظیم حماس کا کہنا ہے کہ معاہدہ اسی وقت ہوگا جب اسرائیل نئی شرائط نہ لگائے۔
دوسری جانب اسرائیلی وزیراعظم بنیامین نیتن یاہو غزہ جنگ بندی معاہدے پر بات چیت کے سلسلے میں مصر پہنچ گئے ہیں۔
ادھر اسرائیلی فوج کی جانب سے شمالی غزہ میں جبالیا، بیت حنون اور بیت لاہیا کا محاصرہ 70 روز سے جاری ہے جبکہ صیہونی فورسز کی جانب سے المواصی کیمپ پر بھی بمباری کی گئی۔
اسرائیلی بمباری کے نتیجے میں گزشتہ 24 گھنٹوں کے دوران مزید 50 سے زیادہ فلسطینی شہید ہوگئے، مزید برآں مقبوضہ مغربی کنارے میں بھی اسرائیلی فائرنگ سے 2 فلسطینی شہید ہوئے۔
