18 دسمبر ، 2024 
سنیل گواسکر کی روہت شرما کے کپتانی سے دستبرادر ہونے کی پیشگوئی
18 دسمبر ، 2024
بھارتی کرکٹ ٹیم کے سابق کپتان سنیل گواسکر نے آئندہ ٹیسٹ میچز میں کارکردگی نا دکھانے کی صورت میں روہت شرما کی جانب سے کپتانی چھوڑنے کی پیشگوئی کر دی۔
بھارتی میڈیا کے مطابق سنیل گواسکر نے کہا کہ اگر روہت شرما میلبرن اور سڈنی میں فلاپ ہوئے تو وہ خود دستبردار ہو جائیں گے اور سلیکٹرز کے فیصلے کا انتظار نہیں کریں گے۔
سابق بھارتی کپتان نے کہا کہ یقینی طور پر روہت شرما آخری دو ٹیسٹ میچز کھیلیں گے، تاہم اگر آخری دو میچز میں روہت شرما رنز نہیں کرتے تو میرا خیال ہے وہ کپتانی سے الگ ہو جائیں گے۔
سنیل گواسکر کا مزید کہنا تھا کہ روہت شرما ٹیم پر بوجھ نہیں بنیں گے، وہ ایسے کرکٹر ہیں جو ٹیم کا بہت خیال رکھتے ہیں۔
یاد رہے کہ روہت شرما نے آخری 13 ٹیسٹ اننگز میں 11.83 کی اوسط سے صرف 152 رنز بنائے ہیں جس کی وجہ سے ان پر کافی تنقید ہو رہی ہے۔
مزید خبریں :
کرکٹ میچ کے دوران 31 سالہ بیٹر دل کا دورہ پڑنے سے چل بسا
17 دسمبر ، 2024
پہلا ون ڈے: پاکستان نے جنوبی افریقا کو 3 وکٹوں سے شکست دے دی
18 دسمبر ، 2024
