30 دسمبر ، 2024 
رواں سال پنجاب میں درج ریکارڈ مقدمات نے پولیس کے جرائم میں کمی کے دعوؤں کی قلعی کھول دی
30 دسمبر ، 2024
سال 2024 کے دوران پنجاب میں درج ہونے والے مقدمات کے ریکارڈ نے پولیس کے جرائم میں کمی کے دعوؤں کی قلعی کھول دی۔
رپورٹ کےمطابق رواں سال کے دوران سنگین جرائم کی شرح میں اُلٹا 5 فیصد اضافہ ہوگیا اور 2023کی نسبت57 ہزار مقدمات زیادہ درج ہوئے۔
تاہم پولیس حکام کہتے ہیں کہ مقدمات کے اندراج میں اضافہ شہریوں کو مقدمات کےفوری اندراج کی سہولت ملنے کی وجہ سے ہوا ہے۔
پنجاب پولیس دعوےکرتی ہے کہ صوبے میں جرائم کی شرح میں کمی آئی ہے، لیکن دوسری جانب پنجاب پولیس کا 2024 کےجرائم کا ریکارڈ ان دعوؤں کے برعکس ہے۔
پولیس ریکارڈ کے مطابق صوبے میں ساڑھے 11ماہ کے دوران مجموعی طور پر 10 لاکھ 67 ہزار سے زائد مقدمات درج ہوئے،ان میں ڈکیتی کے دوران قتل کی 233 وارداتیں،خواتین سے اجتماعی زیادتی کے ایک ہزار 262 اورکم عمر بچوں سے جنسی جرائم کے 3ہزار880 واقعات رپورٹ ہوئے۔
اغواء برائے تاوان کے 85، اندھے قتل کے 504 واقعات بھی سامنےآئے۔
ڈی آئی جی آپریشنز لاہور فیصل کامران کا دعویٰ ہےکہ شہر میں گزشتہ سال کی نسبت 50 ہزار مقدمات کم درج ہوئے ،جبکہ انویسٹی گیشن اور آرگنائزڈ کرائمز یونٹ نے سیکڑوں کیسز حل کرکےملزموں کو سزائیں دلوائیں۔
مزید خبریں :
کراچی کے شہریوں سے 35 کروڑ کا فراڈ کرنیوالا ملزم گرفتار
28 دسمبر ، 2024
