31 دسمبر ، 2024 
بادشاہ چارلس نے میئر لندن صادق خان کو اہم اعزاز سے نواز دیا
31 دسمبر ، 2024
برطانیہ کےبادشاہ چارلس نے میئر لندن صادق خان کو نائٹ کے اعزاز سے نواز دیا۔
میڈیا رپورٹ کے مطابق صادق خان کو نائٹ کا انتہائی معتبر اعزاز لندن کے عوام کی خدمات کے اعتراف میں دیا گیا۔
میڈیا رپورٹ میں بتایا گیا ہے کہ صادق خان رواں برس مسلسل تیسری مرتبہ لندن کے میئر منتخب ہوئے تھے، نائٹ کا اعزاز ملنے سے اب صادق خان کے نام سے پہلے سر بھی لکھا جائے گا۔
میئر لندن صادق خان نے خوشی کا اظہار کرتے ہوئے کہا ہے کہ نائٹ کا اعزاز ملنے پر فخر محسوس کر رہا ہوں، جنوبی لندن میں بچپن گزارتے وقت سوچا بھی نہیں تھا کہ ایک دن شہر کا میئر بنوں گا۔
دوسری جانب صادق خان کو نائٹ کا اعزاز ملنے پر فارن سیکرٹری ڈیوڈ لیمی نے مبارک باد دیتے ہوئے کہاہے کہ صادق نے اسکول ڈنر کی مفت فراہمی، صاف ہوا اور کونسل کے ریکارڈ گھر بنانے کے لیے اقدامات کیے۔
انہوں نے کہا کہ فخر ہےکہ برطانیہ ایک ایسی جگہ ہےجہاں بس ڈرائیور کا بیٹا کابینہ کا رکن اور شہر کا میئربن سکتا ہے۔
مزید خبریں :
ہزاروں اسرائیلی فوجیوں نےغزہ میں لڑنے سے انکارکردیا
02 جنوری ، 2025
نیتن یاہو حکومت کے سابق وزیردفاع نے پارلیمنٹ سے استعفیٰ دیدیا
02 جنوری ، 2025
