01 جنوری ، 2025 
کھیل
فوٹو: فائل
ڈیوڈ وارنر پی ایس ایل 10کیلئے دستیاب، پلیئرز ڈرافٹ کیلئے رجسٹریشن بھی کرالی
01 جنوری ، 2025
پاکستان سپر لیگ کے دسویں ایڈیشن کے لیے دنیائے کرکٹ کے بڑے ناموں کی رجسٹریشن کا سلسلہ جاری ہے۔
آسٹریلیا کے ڈیوڈ وارنر نے پہلی بار پاکستان سپر لیگ 2025 کیلئے اپنی دستیابی کا اعلان کرتے ہوئے پلیئرز ڈرافٹ کیلئے رجسٹریشن کرالی۔
نیوزی لینڈ کے ٹم ساؤتھی بھی پاکستان سپر لیگ کیلئے رجسٹریشن کراچکے ہیں۔
اس کے علاوہ آسٹریلیا کے ٹیسٹ وکٹ کیپر ایلکس کیری بھی پاکستان سپر لیگ کے دسویں ایڈیشن میں ایکشن میں دکھائی دے سکتے ہیں۔
واضح رہے کہ پاکستان سپر لیگ کا پلیئرز ڈرافٹ 11 جنوری کو ہوگا۔ پی ایس ایل کا دسواں ایڈیشن اپریل میں ہوگا۔
