05 جنوری ، 2025 
ریٹائرمنٹ سے متعلق خبروں پر روہت شرما کا ردعمل سامنے آگیا
05 جنوری ، 2025
بھارتی کرکٹ ٹیم کے کپتان روہت شرما نے ٹیسٹ کرکٹ میں زیرِ گردش اپنی ریٹائرمنٹ سے متعلق خبروں پر خاموشی توڑ دی۔
بھارتی میڈیا رپورٹس کے مطابق روہت شرما نے اپنی ریٹائرمنٹ سے متعلق کہا کہ میں ٹیسٹ کرکٹ سے فی الحال ریٹائمنٹ نہیں لے رہا، آؤٹ آف فارم ہونے کی وجہ سے آسٹریلیا کے خلاف آخری میچ میںحصہ نہیں لیا تھا۔
اسٹار اسپورٹس سے بات کرتے ہوئے روہت نے کہا کہ ’ آسٹریلیا کے خلاف سڈنی ٹیسٹ سے باہر رہنے کے فیصلے کو ریٹائرمنٹ نہیں سمجھنا چاہیے، قلم یا لیپ ٹاپ رکھنے والے یہ فیصلہ نہیں کر سکتے کہ کسی کھلاڑی کو کب ریٹائر ہونا چاہیے‘۔
بھارتی کپتان نے کہا کہ 'باہر بیٹھے لوگ یہ فیصلہ نہیں کرسکتے کہ مجھے کب باہر بیٹھنا چاہیے، کب کپتانی کرنی چاہیے، میں ایک سمجھدار اور بالغ ہوں اور دو بچوں کا باپ ہوں، تو میں جانتا ہوں کہ کب کیا فیصلہ کرنا ہے'۔
واضح رہے کہ آسٹریلیا نے پانچویں ٹیسٹ میچ میں بھارت کو شکست دے کر سیریز اپنے نام کر لی ہے،5 میچز کی سیریز آسٹریلیا نے 1-3 سے اپنے نام کی جب کہ سیریز کا ایک میچ ڈرا ہوا تھا۔
