06 جنوری ، 2025 
مقبوضہ مغربی کنارے میں بس پر فائرنگ سے 3 اسرائیلی ہلاک، ویڈیو سامنے آگئی
06 جنوری ، 2025
فلسطین کے مغربی کنارے میں بس اور گاڑیوں پر فائرنگ کے واقعے میں 3 اسرائیلی شہری ہلاک ہوگئے۔
اسرائیلی میڈیا کے مطابق مقبوضہ مغربی کنارے میں 2 مسلح حملہ آوروں نے ایک بس اور 2 گاڑیوں پر فائرنگ کی جس کے نتیجے میں 3 اسرائیلی شہری ہلاک ہوگئے۔
اسرائیلی میڈیا کے مطابق حملے میں 8 افراد زخمی بھی ہوئے جنہیں اسپتال منتقل کردیا ہے جبکہ حملہ آور موقع سے فرار ہوگئے جن کی تلاش جاری ہے۔
مغربی کنارے میں ہونے والے حملے کے بعد حماس کی جانب سے جاری کردہ بیان میں کہا گیا ہے یہ حملہ قابض اسرائیلی حکومت کےلیے پیغام ہے کہ غزہ، مغربی کنارے سمیت تمام مقبوضہ فلسطینی علاقوں میں رہنے والے فلسطینی کسی صورت اپنے حقوق کا سودا نہیں کریں گے اور اسرائیلی قبضہ ختم ہونے تک اس کے خلاف مزاحمت جاری رکھیں گے۔
دوسری جانب شمالی غزہ سےاسرائیل پر 3 راکٹ فائر کیے گئے ہیں میں جن میں 2 راکٹ اسرائیلی دفاعی نظام نے گرادیے جب کہ ایک راکٹ خالی گھر پر گرا جس سےکوئی جانی نقصان نہیں ہوا۔
مزید خبریں :
تبت میں زلزلے سے عمارتیں زمین بوس، ہلاکتوں کی تعداد 95 ہوگئی
07 جنوری ، 2025
ایران نے کاسمیٹک سرجری کرانے کیلئے عمر کی حد میں کمی کر دی
07 جنوری ، 2025
