10 جنوری ، 2025 
دنیا
عالمی فوجداری عدالت نے اسرائیلی وزیراعظم نیتن یاہو اور سابق وزیر دفاع گیلنٹ کے خلاف جنگی جرائم پر وارنٹ گرفتاری جاری کیے تھے/ فائل فوٹو
امریکی ایوان نمائندگان سے عالمی فوجداری عدالت کے اہلکاروں پرپابندیوں کا بل منظور
10 جنوری ، 2025
واشنگٹن: امریکی ایوان نمائندگان نے عالمی فوجداری عدالت کے اہلکاروں پرپابندیوں کا بل منظور کر لیا۔
غیر ملکی میڈیا کے مطابق امریکی ایوان نمائندگان نے عالمی فوجداری عدالت کے اہلکاروں پر اسرائیلی وزیراعظم نیتن یاہو اور سابق وزیر دفاع یواف گیلنٹ یواف کے خلاف جنگی جرائم پر وارنٹ گرفتاری جاری کرنے پر پابندیاں عائد کرنے کا بل منظور کرلیا۔
ایمنسٹی انٹرنیشنل نے امریکی ایوان نمائندگان میں بین الاقوامی فوجداری عدالت (آئی سی سی) کے اہلکاروں پر پابندیاں عائد کرنے کے بل کی مذمت کی ہے۔
واضح رہے کہ عالمی فوجداری عدالت نےگزشتہ سال نومبر میں غزہ میں کیے جانے والے قتل عام پر اسرائیلی وزیر اعظم نیتن یاہو اور سابق وزیردفاع یواف گلینٹ کے وارنٹ گرفتاری جاری کیے تھے۔
