11 جنوری ، 2025 
کھیل
بگ بیش لیگ میں بیٹےکو مارے گئے چھکے پر باپ نےگیند پکڑلی
11 جنوری ، 2025
آسٹریلوی لیگ بگ بیش کے میچ کے دوران دلچسپ واقعہ پیش آیا جب بیٹے نےگیند کرائی اور باپ نےکیچ پکڑا۔
بگ بیش لیگ میں دلچسپ واقعہ ایڈیلیڈ اسٹرائیکرز اور برسبین ہیٹ کے درمیان میچ میں پیش آیا جس کی ویڈیو وائرل ہوگئی ہے۔
ایڈیلیڈ اسٹرائیکرز اور برسبین ہیٹ کے درمیان میچ کے 16ویں اوور میں برسبین ہیٹ کے نیتھن میک سوینی نے لیام ہیسکٹ کو چھکا رسید کیا اور یہ کیچ اسٹینڈ میں کسی اور نے نہیں بلکہ لیام ہیسکٹ کے والد نے پکڑلیا۔
برابر میں لیام ہیسکٹ کی والدہ بھی بیٹھی ہوئی تھیں، شوہر نے اپنی اہلیہ کو بیٹے کے چھکا کھانے پر دلاسہ دینے کی کوشش کی تو انہوں نے اداس انداز میں شوہر کا ہاتھ جھٹک دیا۔
میچ میں ایڈیلیڈ اسٹرائیکرز نے برسبین ہیٹ کو 56 رنز سے شکست دی۔
