15 جنوری ، 2025 
چیمپئنز ٹرافی: پاکستان میں میچز کے ٹکٹس کی کیا قیمت ہوگی؟
15 جنوری ، 2025
آئی سی سی چیمپئنز ٹرافی کے میچز کے ٹکٹوں کی فروخت پر مشاورت مکمل ہو گئی۔
ذرائع کے مطابق چیمپئنز ٹرافی کے میچوں کے لیے ٹکٹوں کی فروخت جلد شروع ہو گی، پاکستان میں میچوں کی کم سے کم قیمت 1 ہزار روپے تک ہونے کا امکان ہے۔
چیمپئنز ٹرافی کے میچوں کے ٹکٹ کی زیادہ سے زیادہ قیمت 25 ہزار روپے تک جانے کا امکان ہے۔
ذرائع کے مطابق لاہور، کراچی اور راولپنڈی کے وینیو پر ٹکٹوں کی قیمتیں مختلف ہوں گی، میچز کے لیے وی آئی پی، پریمیئم، فرسٹ کلاس اور ہوسپیٹلیٹی کی کٹییگریز میں ٹکٹیں ہوں گی۔
سیمی فائنل میچ کی کم از کم ٹکٹ 2500 روپے رکھے جانے کا امکان ہے۔
واضح رہے کہ چیمپئنز ٹرافی 2025 ہائبرڈ ماڈل کے تحت پاکستان اور یو اے ای میں شیڈول ہے، ایونٹ کا آغاز 19 فروری سے کراچی میں پاکستان اور نیوزی لینڈ کے میچ سے ہو گا۔
