17 جنوری ، 2025 
چیمپئنز ٹرافی تقریب: روہت شرما کی پاکستان آمدکے معاملے پربھارتی بورڈ کا مؤقف سامنے آگیا
17 جنوری ، 2025
بھارتی کپتان روہت شرما کی چیمپئنز ٹرافی کی تقریب کے لیے پاکستان آمد کے معاملے پر سیکرٹری بھارتی بورڈ دیواجیت سائیکیا کا ردعمل سامنے آگیا۔
بھارتی کرکٹ بورڈ کے نومنتخب سیکرٹری دیواجیت سائیکیا نے بھارتی اخبار سے گفتگو میں کہا کہ ہمیں ایسی کوئی تجویز نہیں ملی، یہ آئی سی سی کے ساتھ ہماری گفتگو کا حصہ نہیں رہا۔
دیواجیت نے کہا کہ یہ ایک نازک معاملہ ہے، سب اثرات کو سامنے رکھ کر کوئی قدم اٹھایا جائے گا، بھارت کو اس مسئلے کے حل کے لیے کوئی سمجھوتے کا فارمولا نکالنا پڑے گا۔
بھارتی میڈیا کے مطابق میزبان ہونے کی وجہ سے پاکستان کو اس صورتحال کا فائدہ پہنچے گا۔
واضح رہے کہ چیمپئنز ٹرافی سے قبل تمام کپتانوں کا روایتی میڈیا سیشن پاکستان میں ہو گا اور ٹورنامنٹ کی افتتاحی تقریب کا بھی انعقاد ہو گا جس میں ٹیمیں مدعو ہوں گی۔
مزید خبریں :
آئی سی سی نے مینز کرکٹر آف دی ایئر کا اعلان کر دیا
3 گھنٹے پہلے
آئی سی سی کے سی ای او اپنے عہدے سے دستبردار ہوگئے
7 گھنٹے پہلے
