17 جنوری ، 2025 
سیف حملے میں پیشرفت، گرفتار مبینہ ملزم کی بالی وڈ خانز میں سے ایک کے گھر کی ریکی کا انکشاف
17 جنوری ، 2025
بالی وڈ اسٹار سیف علی خان پر حملے کرنے والے ملزم کو ممبئی پولیس نے گرفتار کرلیا اور تحقیقات میں پیشرفت ہوئی ہے۔
بدھ اور جمعرات کی درمیانی شب تقریباً 3 بجے کے قریب سیف کے ممبئی کے باندرا والے گھر میں ڈکیتی کی کوشش کی گئی جسے اداکار نے مزاحمت کرکے ناکام بنایا۔
مزاحمت کے دوران سیف علی خان پر چاقو سے حملہ کیا گیا جس سے انہیں 6 زخم آئے جن میں سے 2 کافی گہرے تھے جبکہ ایک زخم ریڑھ کی ہڈی کے قریب ترین تھا۔
سیف اس وقت اسپتال میں زیر علاج ہیں اور گزشتہ روز آپریشن کرکے ان کی ریڑھ کی ہڈی سے چاقو کا 2.5 انچ کا ٹکڑا نکالا گیا۔
ممبئی پولیس نے سیف پر حملہ کرنے والے مبینہ ملزم کو گرفتار کرلیا اور اس سے تحقیقات میں اہم انکشاف ہوا ہے۔
بھارتی میڈیا نے ذرائع سے خبر دی ہے کہ مبینہ حملہ آور نے سیف پر حملے سے قبل ممبئی میں شاہ رخ خان کے گھر منت کی بھی 14 جنوری کو ریکی کی تھی لیکن وہ سخت سکیورٹی کے باعث گھر میں داخل ہونے میں ناکام ہوگیا تھا۔
بھارتی میڈیا کے مطابق حملہ آور نے شاہ رخ خان کے گھر میں داخلے میں ناکامی پر سیف علی خان کو ٹارگٹ کیا اور ان کے باندرا والے گھر کی ریکی کی۔
رپورٹس میں بتایا گیا ہے کہ حملہ آور سکیورٹی کو چکمہ دے کر عمارت میں داخل ہوا اور 12 ویں منزل پر بھی پہنچ گیا جہاں اداکار سیف فیملی کے ہمراہ رہائش پذیر تھے۔
دوسری جانب سیف علی خان ممبئی کے مقامی اسپتال میں زیر علاج ہیں اور ان کی حالت بتدریج بہتر ہو رہی ہے، ڈاکٹروں نے انہیں مکمل آرام کا مشورہ دیا ہے اور ان کی نگہداشت کی جا رہی ہے۔
مزید خبریں :
شوبز میں مجبوری کے تحت آئی: امبر خان
10 گھنٹے پہلے
بھارتی اداکارہ ارچنا پورن سنگھ فلم کی شوٹنگ کے دوران زخمی
29 جنوری ، 2025
