20 جنوری ، 2025 
ہمارے گھروں میں سب سے بڑا فساد کام والیاں کرواتی ہیں: صبا فیصل
20 جنوری ، 2025
پاکستان کی مایہ ناز سینئر اداکارہ صبا فیصل نے گھر میں لڑائی اور جھگڑے کی وجہ گھریلو ملازماؤں کو قرار دے دیا۔
حال ہی میں سینئر اداکارہ احمد علی بٹ کے پوڈکاسٹ میں مہمان بنیں جہاں انہوں نے گفتگو کرتے ہوئے کہا کہ گھروں میں جو فساد ہوتے ہیں ان کی سب سے بڑی وجہ گھر میں کام کرنے والی ملازمہ ہوتی ہے، ان سے بڑا فساد ہماری گھریلو زندگی میں کوئی نہیں ہے۔
صبا فیصل نے اپنی بات کی وضاحت پیش کرتے ہوئے کہا کہ کام والیاں یہ کرتی ہیں کہ کسی کی بات دوسرے کو کہہ دیتی ہیں اور دوسرا شخص یقین بھی کرلیتا ہے، یعنی ادھر کی بات ادھر کرتی ہیں جس کی وجہ سے لڑائیاں جنم لیتی ہیں۔
اداکارہ نے مزید کہا کہ میں نے اپنے گھر میں اصول بنایا ہے کہ کام والی کسی سے بھی کوئی بات نہیں کرے گی اور دو ملازمائیں بیٹھ کر آپس میں بات چیت نہیں کریں گی، اگر کوئی ملازمہ مجھ سے ہمدردی میں آکر کچھ کہتی بھی ہے یا دوسرے کی برائی کرتی ہے تو میں فوراً ڈانٹ پلا دیتی ہوں کہ خاموش ہوجاؤ بالکل اور اپنا کام کرو۔
صبا فیصل کا کہنا تھا کہ میرے لیے میرے سارے بچے اور بہوئیں برابر ہیں، خبردار اگر کسی کے بارے میں کوئی بھی بات کی تو،ان لوگوں کی باتیں سن کر ہم انہیں بڑھاوا دے رہے ہوتے ہیں، گھروں کی تباہی کی ذمہ دار ہی یہ ہی لوگ ہیں۔
واضح رہے کہ گزشتہ سالوں میں صبا فیصل کے اپنی بہو اور بیٹے سے اختلافات کی خبریں سامنے آئی تھیں جس کی تصدیق ان کی بہو سمیت انہوں نے خود بھی کی تھی تاہم بعدازاں دونوں میں صلح ہوگئی تھی۔
مزید خبریں :
اداکارہ انمول بلوچ کا کامیاب رشتے کیلئے مداحوں کو مشورہ
20 مئی ، 2025
کیا حمزہ علی عباسی اب پی ٹی آئی کے ساتھ نہیں؟
19 مئی ، 2025
بحرین میں رخسار ناظم آبادی کی یاد میں عالمی مشاعرہ
19 مئی ، 2025
