20 جنوری ، 2025 
آئی پی ایل کی اجازت، پی ایس ایل کی کیوں نہیں؟ انگلش کرکٹر اپنے بورڈکے دوہرے معیار پر بول پڑے
20 جنوری ، 2025
انگلش کرکٹر جیمز وینس پی ایس ایل اور آئی پی ایل کے لیے علیحدہ قوانین پر ای سی بی کے دوہرے معیار پر بول پڑے۔
ایک بیان میں جیمز ونس کا کہنا تھا کہ پی ایس ایل مختصر ٹورنامنٹ ہے، وہاں کھیل کر پلیئرز ڈومیسٹک سے زیادہ محروم نہیں ہوتے، جب کہ آئی پی ایل طویل ٹورنامنٹ ہے، وہاں ڈومیسٹک پلیئرز کا جانا نہیں بنتا تھا ۔
جیمز ونس نے سوال اٹھایا کہ آئی پی ایل کی اجازت کیوں؟ پی ایس ایل کی کیوں نہیں؟ ممکن ہےکہ قوانین میں یہ تضاد بورڈز کے باہمی تعلق کی وجہ سے ہو۔
انگلش کرکٹر کا کہنا تھا کہ پی ایس ایل ڈرافٹ میں مزید انگلش پلیئرز پک ہوتے تو اور پلیئرز بھی اپنا ڈومیسٹک ریڈ بال کنٹریکٹ چھوڑ دیتے، لیکن پی ایس ایل ٹیموں نے این او سی کے خدشےکی وجہ سے اکثر انگلش پلیئرز کو منتخب نہیں کیا۔
جیمز ونس کا کہنا تھا کہ ای سی بی کی نئی پالیسی انگلش کرکٹرز کے لیے مددگار ثابت نہیں ہو رہی۔
خیال رہے کہ انگلش بیٹر جیمز وینس نے حال ہی میں پی ایس ایل کی خاطر اپنا ریڈ بال کنٹریکٹ منسوخ کیا ہے۔
جیمز ونس نے پی ایس ایل کے لیے انگلش فرسٹ کلاس سیزن کو خیربادکہہ دیا ہے اور وہ اس سال صرف ہمپشائرکی جانب سے وائٹ بال کرکٹ کھیلیں گے۔ جیمز ونس کاؤنٹی چیمپئن شپ میں ہمپشائر کی قیادت سے بھی دستبردار ہوگئے ہیں۔
انگلش کرکٹرنے اپنی کاؤنٹی کے ساتھ صرف وائٹ بال کرکٹ کا نیا معاہدہ کرلیا ہے۔
انگلش بیٹر جینزونس پی ایس ایل 10 میں کراچی کنگز کا حصہ ہیں۔
مزید خبریں :
بھارتی بیٹر نے ٹی ٹوئنٹی انٹرنیشنل میں نیا ورلڈ ریکارڈ بنا ڈالا
27 جنوری ، 2025
آئی سی سی نے مینز ایمرجنگ کرکٹر آف دی ایئر کا اعلان کر دیا
27 جنوری ، 2025
ویڈیو: ساجد خان کی اسپن نے ویسٹ انڈیز کے بیٹر کو پریشان کردیا
26 جنوری ، 2025
