20 جنوری ، 2025 
چائے پینے کی عادت کا نیا فائدہ سامنے آگیا
20 جنوری ، 2025
چائے پینا پسند کرتے ہیں تو یہ عادت گردوں کے دائمی امراض سے موت کا خطرہ کم کرتی ہے۔
یہ بات چین میں ہونے والی ایک طبی تحقیق میں سامنے آئی۔
گوانگزو یونیورسٹی کی تحقیق میں دریافت کیا گیا کہ چائے پینے سے گردوں کے دائمی امراض کے شکار افراد کو فائدہ ہوتا ہے اور موت کا خطرہ گھٹ جاتا ہے۔
اس تحقیق میں گردوں کے دائمی امراض کے شکار 17 ہزار سے زائد افراد کو شامل کرکے چائے کے استعمال سے مرتب ہونے والے طویل المعیاد اثرات کا تجزیہ کیا گیا۔
1999 سے 2018 تک ان افراد میں چائے کے اثرات کا مشاہدہ کیا گیا جس دوران 5835 کا انتقال ہوا جن میں سے 1823 اموات امراض قلب سے ہوئیں۔
محققین نے دریافت کیا کہ روزانہ 4 کپ چائے پینے سے گردوں کے امراض کے شکار افراد میں کسی بھی وجہ سے موت کا خطرہ گھٹ جاتا ہے۔
البتہ 4 کپ سے زائد چائے پینے سے گردوں کے دائمی امراض کا سامنا کرنے والے مریضوں کو منفی اثرات کا سامنا ہو سکتا ہے۔
تحقیق کے مطابق سبز کی بجائے سیاہ چائے اس حوالے سے زیادہ مؤثر ثابت ہوتی ہے۔
محققین نے بتایا کہ ہمارا مشورہ ہے کہ گردوں کے مریضوں کو روزانہ 4 کپ سے زائد چائے کا استعمال کرنے سے گریز کرنا چاہیے۔
انہوں نے کہا کہ سبز اور سیاہ چائے دونوں کا استعمال کرنا چاہیے جبکہ مشروب میں چینی کو ڈالنے سے گریز کرنا چاہیے۔
اس تحقیق کے نتائج جرنل Renal Failure میں شائع ہوئے۔
مزید خبریں :
کیا آپ نے کبھی کیلا کالی مرچوں کے ساتھ کھایا ہے؟ فوائد جانیے
25 جنوری ، 2025
کیا اونٹنی کا دودھ صحت کیلئے مفید ہوتا ہے؟ تحقیق کے نتائج جانیں
24 جنوری ، 2025
فیشن میں کی جانے والی وہ غلطیاں جو صحت کیلئے خطرہ بن سکتی ہیں
24 جنوری ، 2025
لوگ ڈپریشن کے شکار کیوں ہوتے ہیں؟ اہم وجہ دریافت
23 جنوری ، 2025
کینسر جیسے مرض سے موت کا خطرہ کم کرنے والا بہترین طریقہ
22 جنوری ، 2025
پاکستان میں 2025 کے پہلے پولیو وائرس کیس کی تصدیق
22 جنوری ، 2025
