21 جنوری ، 2025 
راکھی ساونت کا ہانیہ، دیدار اور نرگس کو ڈانس چیلنج، ہانیہ عامر کا ردعمل آگیا
21 جنوری ، 2025
معروف بالی وڈ رقاصہ راکھی ساونت نے پاکستان کی معروف اداکاراؤں کو ڈانس کا چیلنج دے دیا۔
راکھی ساونت کا ایک ویڈیو کلپ سوشل میڈیا پر کافی وائرل ہو رہا ہے جس میں بھارتی اداکارہ نے پاکستانی اداکاراؤں کو ڈانس کے میدان میں شکست کا مزاح چکھانے کا چیلنج دیا ہے۔
وائرل ویڈیو میں راکھی ساونت کی جانب سے کہا گیا ہے کہ پاکستان سے ہانیہ عامر، دیدار اور نرگس کو لے آؤ میں سب کو ہرا دوں گی۔
اس کے ساتھ ہی اداکارہ نے چیلنج کرتے ہوئے یہ بھی کہا کہ میں سب کو شکست دے دوں گی کیونکہ میں بالی وڈ کی آئٹم گرل ہوں اور میں رئیلیٹی شو کی ملکہ ہوں، چاہے کوئی ڈانس ہو یا کوئی رئیلیٹی شو سب میں ہرا دوں گی۔
راکھی ساونت نے اپنی ویڈیو کے آخر میں کہا کہ میں ان تینوں پاکستانی اداکاراؤں کا کام بگاڑ دوں گی۔
دوسری جانب ہانیہ عامر بھی راکھی ساونت کے اس چیلنج کا جواب دیے بغیر رہ نہ سکیں اور انہوں نے راکھی کی نقل اتارتے ہوئے اپنی ویڈیو بنا ڈالی جو انہوں نے انسٹاگرام پر شیئر کی۔
ہانیہ عامر کی اس ویڈیو کے بعد صارفین کی جانب سے مزاحیہ تبصروں کا سلسلہ جاری ہے۔
مزید خبریں :
بھارتی اداکارہ ارچنا پورن سنگھ فلم کی شوٹنگ کے دوران زخمی
29 جنوری ، 2025
اداکار خوشحال خان کا باکسنگ کی دنیا میں قدم، حریف کو دھول چٹادی
28 جنوری ، 2025
