21 جنوری ، 2025 
سیف علی خان اسپتال سے ڈسچارج، قاتلانہ حملے کے بعد ان کی پہلی جھلک سامنے آگئی
21 جنوری ، 2025
بالی وڈ اداکار سیف علی خان کو اسپتال سے ڈسچارج کردیا گیا۔
سیف علی خان گزشتہ بدھ کی نصف شب اپنے گھر پر ڈکیتی کی ایک واردات کے دوران چاقو حملے میں زخمی ہوگئے تھے۔
زخمی ہونے کے بعد سے وہ ممبئی کے لیلاوتی اسپتال میں زیر علاج تھے جہاں سے آج انہیں ڈسچارج کردیا گیا۔
اس موقع پر سامنے آنی والی تصاویر اور ویڈیوز میں دیکھا جاسکتا ہے کہ اسپتال سے ڈسچارج ہونے کے بعد سیر علی خان سفید شرٹ اور جینز پہنے خود چل کر اپنے اپارٹمنٹ پہنچے۔
سیف علی خان کے بائیں ہاتھ پر پٹی بھی نظر آرہی ہے۔
بالی وڈ اداکار نے میڈیا کیمروں کو دیکھ کر ہاتھ بھی ہلایا اور اس دوران ان کے اردگرد سخت سکیورٹی حصار تھا۔
خیال رہے کہ گزشتہ دنوں ممبئی پولیس نے تھانے شہر سے سیف علی خان پر چاقو حملے کے مرکزی ملزم کو گرفتار کیا ہے اور اس کی شہریت کے حوالے سے متضاد دعوے سامنے آئے ہیں۔
مزید خبریں :
اداکار خوشحال خان کا باکسنگ کی دنیا میں قدم، حریف کو دھول چٹادی
28 جنوری ، 2025
سیف علی خان چاقو حملہ کیس میں پیشرفت، خاتون گرفتار
27 جنوری ، 2025
