چیمپئنز ٹرافی: سلیکٹرز صائم ایوب کی جگہ کس کھلاڑی کو آزمانے کا سوچ رہے ہیں؟

جنوبی افریقا کے خلاف ٹیسٹ سیریز کے دوران انجری کا سامنا کرنے والے نوجوان اوپنر صائم ایوب کی آئی سی سی چیمپئنز ٹرافی میں شرکت مشکوک نظر آتی ہے۔

لہٰذا ان خدشات کے بعد قومی سلیکٹرز ان کی جگہ ٹیسٹ کپتان شان مسعود کو آزمانے پر غور کررہے ہیں لیکن اس کا انحصار ویسٹ انڈیز کے خلاف آخری ٹیسٹ میں شان مسعود کی کارکردگی پر ہے جب کہ امام الحق بھی ایک آپشن ہیں۔

ذرائع کا کہنا ہے کہ عبداللہ شفیق کی خراب کارکردگی کے بعد سلیکٹرز ون ڈے فارمیٹ میں صائم ایوب کی جگہ شان مسعود کو موقع دینے پر غور کررہے ہیں کیوں کہ وہ 50 اوور کی کرکٹ میں لمبی اننگز کھیلنے کی صلاحیت رکھتے ہیں۔

چیمپئنز ٹرافی کیلئے پاکستانی اسکواڈ میں شامل ممکنہ کھلاڑیوں کے نام سامنے آگئے

پاکستان کے علاوہ چیمپئنز ٹرافی کی تمام ٹیموں نے اسکواڈز کا اعلان کر دیا ہے جبکہ پاکستان آئی سی سی کو صرف ابتدائی اسکواڈ کے نام بھجوا چکا ہے۔

شان مسعود نے 9 ون ڈے انٹر نیشنل میچز میں ایک نصف سنچری کی مدد سے 163 رنز 18 کی اوسط سے بنائے ہیں، شان نے آخری بار نیوزی لینڈ کے خلاف 2023  میں ون ڈے میچ کھیلا تھا۔

شان مسعود انگلش سیزن کے ساتھ ساتھ پاکستان میں بھی ون ڈے کرکٹ کھیلتے ہیں ، ان کے علاوہ فخر زمان کی ٹیم میں واپسی یقینی ہے جب کہ شاداب خان کی شمولیت کے امکانات نہ ہونے کے برابر ہیں۔

ایک ہفتے میں سلیکٹرز پاکستان میں ہونے والی تین قومی سیریز کیلئے ٹیم کا اعلان کریں گے،  ممکنہ طور پرتین ملکی سیریز کھیلنے والی پاکستانی ٹیم ہی چیمپئنز ٹرافی میں شریک ہوگی۔

صائم ایوب اس ماہ کے آخر تک انگلینڈ میں رہیں گے جہاں میڈیکل پینل کی ہدایت پر ان کا ری ہیب بھی جاری ہے، فروری کے شروع میں ان کی وطن واپسی ہوسکتی ہے لیکن انہیں کرکٹ میں واپس لانے کیلئے جلد بازی سے گریز کیا جارہا ہے۔

آئی سی سی چیمپئنز ٹرافی کے لیے سلیکٹرز کے درمیان ون ڈے اسکواڈ کو حتمی شکل دینے کے لیے مشاورت جاری ہے۔

 ذرائع نے بتایا ہے کہ چیمپئنز ٹرافی اسکواڈ سے آؤٹ آف فارم عبداللّٰہ شفیق اور عثمان خان کے ڈراپ ہونے کا امکان ہے۔

بھارت نہ آسٹریلیا، گواسکر نے پاکستان کو چیمپئنز ٹرافی میں فیورٹ قرار دے دیا

کسی بھی ٹیم کو ان کے اپنے ملک میں ہرانا بہت مشکل ہوتا ہے ، اس ٹورنامنٹ کیلئے میزبان ٹیم پاکستان کو فیورٹ قرار دیا جانا چاہیے: سنیل گواسکر

امام الحق اور حسیب اللہ کے ناموں پر بھی غور کیا جا رہا ہے، محمد رضوان، بابر اعظم، سلمان علی آغا، طیب طاہر اور عرفان خان کی اسکواڈ میں شمولیت کا امکان ہے۔ اس کے علاوہ محمد حسنین، نسیم شاہ، شاہین آفریدی، حارث رؤف، کامران غلام، ابرار احمد اور سفیان مقیم بھی اسکواڈ کا حصہ ہو سکتے ہیں۔

پاکستان کے علاوہ چیمپئنز ٹرافی کی تمام ٹیموں نے اسکواڈز کا اعلان کردیا ہے جب کہ پاکستان بھی آئی سی سی کو ابتدائی اسکواڈ کے نام بھجوا چکا ہے۔ 

واضح رہے کہ میگا ایونٹ کے لیے 11 فروری تک حتمی اسکواڈ کا لازمی اعلان کرنا ہے۔ پاکستان، جنوبی افریقا اور نیوزی لینڈ کے درمیان سہ فریقی سیریز کا پہلا میچ 8 فروری کو ہو گا۔