25 جنوری ، 2025 
پاکستان
چینی بھائیوں کی سکیورٹی پر سمجھوتہ نہیں کر سکتے: غلام نبی میمن کی جیونیوز سے گفتگو/ فائل فوٹو
سندھ میں کسی چینی شہری سے بھتےکی شکایت رپورٹ نہیں ہوئی: آئی جی سندھ
25 جنوری ، 2025
کراچی: آئی جی سندھ غلام نبی میمن نے کہا ہےکہ سندھ میں کسی چینی شہری سے بھتےکی کوئی شکایت رپورٹ نہیں ہوئی۔
جیونیوز سے گفتگو کرتے ہوئے آئی جی سندھ نے کہا کہ چینی بھائیوں کی سکیورٹی پر سمجھوتہ نہیں کر سکتے، سکیورٹی خدشات کی وجہ سےچینی شہریوں کی آمدورفت محدودہے۔
انہوں نے کہا کہ سندھ میں کسی چینی شہری سے بھتےکی کوئی شکایت رپورٹ نہیں ہوئی، چینی شہریوں کی عدالتی چارہ جوئی سے متعلق چھان بین کررہے ہیں۔
غلام نبی میمن کا کہنا تھا کہ غیر ملکیوں کی سکیورٹی کے حوالے سے ایس او پیز پر عملدرآمد پولیس پر لازم ہے، مقامی اسپانسرز کو بھی سکیورٹی کی وجہ سے پہلے جیسا رسپانس نہیں مل رہا۔
