25 جنوری ، 2025 
غزہ میں اسرائیلی ٹینک کو دیکھتے اور مسلح گھومتے شہید یحییٰ سنوار کی نئی ویڈیو جاری
25 جنوری ، 2025
مقبوضہ فلسطین کی مزاحمتی تنظیم حماس کے شہید سربراہ یحییٰ السنوار کی غزہ میں جنگ کے دوران کی نئی ویڈیو سامنے آگئی۔
گزشتہ روز الجزیرہ ٹیلی ویژن نے فلسطینی مزاحمتی تنظیموں کی جانب سے 7 اکتوبر 2023 کے طوفان الاقصیٰ آپریشن پر ایک ڈاکیومنٹری جاری کی جس میں جنگجوؤں کی جانب سے غزہ جنگ کی منصوبہ بندی دکھائی گئی ہے۔
اس ڈاکیومنٹری میں القسام بریگیڈز کی اعلیٰ قیادت کو بھی دکھایا گیا لیکن ان کے چہرے چھپائے گئے ہیں تاہم شہید ہونے والے افراد کو بھی دکھایا گیا۔
ڈاکیومنٹری میں حماس کے شہید سربراہ یحییٰ السنوار کو بھی دکھایا گیا ہے اور ان کی اسرائیل کے خلاف مزاحمتی مصروفیات دکھائی گئیں۔ شہید یحییٰ السنوار عام مجاہدین کی طرح کلاشنکوف لیے اور میگزین بیلٹ باندھے گھوم رہے ہیں۔
اس کے علاوہ انہیں میدان جنگ میں اسرائیلی ٹینکوں کا قریب سے معائنہ کرتے بھی دیکھا جاسکتا ہے، ویڈیو میں یحییٰ السنوار اسرائیلی بمباری سے تباہ گھر میں بیٹھ کر شہید کمانڈر کے ساتھ جنگی منصوبہ بندی میں مصروف ہیں۔
اس دستاویزی فلم میں یحییٰ السنوار یہ شعر پڑھتے ہوئے بھی نظر آئے کہ آزادی کا دروازہ سرخ ہے جس پر خون سے ڈوبا ہاتھ دستک دیتا ہے۔
غزہ جنگ میں پیش پیش سنوار کہیں سر پر کپڑا ڈالے عصا تھامے تباہ شدہ عمارتوں سے گزرتے نظر آئے تو کہیں نقشے پر جُھکے دشمن کی پوزیشن پر تبادلہ خیال کرتے دکھائی دیے.
شہید یحییٰ سنوار کے میدان جنگ میں موجود ہونے کے مناظر نے اسرائیلی فوج کا سنوار کا سرنگوں میں چُھپے ہونے کا دعویٰ غلط ثابت کر دیا۔
خیال رہے کہ 17 اکتوبر 2024 کوغزہ میں اسرائیلی فوج سے لڑتے ہوئے حماس کے سربراہ یحییٰ سنوار شہید ہوگئے تھے۔
مزید خبریں :
روس کا یوکرین کے دارالحکومت کیف پر جوابی فضائی حملہ
3 گھنٹے پہلے
یوکرین کا روس پر اب تک کا سب سے بڑا ڈرون حملہ
11 مارچ ، 2025
