27 جنوری ، 2025 
پاکستان
نوجوان محمد یاسرفیض محلہ نوٹ کا رہائشی ہے اور اس کا ذہنی توازن درست نہیں: اہلخانہ/ فائل فوٹو
آزاد کشمیر: نوجوان غلطی سے لائن آف کنٹرول عبور کرگیا
27 جنوری ، 2025
مظفر آباد: آزاد کشمیر کا ایک نوجوان غلطی سے لائن آف کنٹرول عبور کرگیا۔
تفصیلات کے مطابق آزاد کشمیر کے علاقے تیتری نوٹ کا رہائشی نوجوان غلطی سےلائن آف کنٹرول عبورکرگیا۔
اس حوالے سے اہلخانہ کا کہنا ہے کہ نوجوان محمد یاسرفیض محلہ نوٹ کا رہائشی ہے اور اس کا ذہنی توازن درست نہیں جس کی وجہ سے اسے 2 روز قبل طبی معائنے کے کے لیے راولا کوٹ لے جایا گیا تھا۔
نوجوان کے اہلخانہ نے اعلیٰ حکام سے اپیل کی ہے کہ یاسرکی بحفاظت واپسی کےلیے اقدامات کریں۔
