فلسطینیوں کی شمالی غزہ واپسی، 15 ماہ بعد اپنے پیاروں سے ملنے پر فلسطینیوں کے چہرے کھل اٹھے

غزہ میں 15 ماہ سے جاری اسرائیلی جارحیت کے دوران اپنے گھروں سے بے دخل کیے گئے فلسطینی آج اپنے علاقوں کو لوٹناشروع ہوگئے ہیں جو فلسطینی تاریخ میں ایک اہم سنگ میل ہے۔

1948 میں اسرائیل کے قیام کے لیے فلسطینیوں کو بڑے پیمانے پر ان کے علاقوں سے بے دخل کیا گیا تھا ، فلسطینیوں کی اس بےدخلی کو ’نکبہ‘ کہا جاتا ہے۔

عرب میڈیا کے مطابق نکبہ کے بعد آج پہلی مرتبہ ایسا ہوا ہے کہ بے دخل کیے گئے فلسطینی اپنے علاقوں کو واپس لوٹے ہیں۔

غزہ میں جنگ بندی معاہدے کے تحت اسرائیلی فوج نتزارم راہداری سے پیچھے ہٹ گئی ہے جس کے بعد جبری بے دخل کیے گئےلاکھوں فلسطینی شمالی غزہ واپس لوٹنا شروع ہوگئے۔

15 ماہ سے بچھڑے خاندان جب دوبارہ ملے تو کئی جذباتی مناظر  دیکھنے میں آئے۔