28 جنوری ، 2025 
سعودی شہزادہ محمد بن فہد بن عبدالعزیز انتقال کرگئے
28 جنوری ، 2025
ریاض: سعودی شہزادہ محمد بن فہد بن عبد العزیز آل سعود انتقال کرگئے۔
سعودی پریس ایجنسی کے مطابق ایوان شاہی کی جانب سے جاری اعلامیے میں بتایا گیا کہ شہزادہ محمد بن فہد بن عبد العزیز آل سعود انتقال کرگئے ہیں۔
ایوان شاہی کے اعلامیے میں کہا گیا کہ شہزادہ محمد بن فہد بن عبد العزیز آل سعود کی نماز جنازہ کل بدھ کو ریاض کی جامع مسجد امام ترکی بن عبد اللہ میں عصر کی نماز کے بعد ادا کی جائےگی۔
ایوان شاہی نے متوفی کے لیے رحمت و مغفرت اور بلندی درجات کی دعا کی ہے۔
خیال رہےکہ شہزادہ محمد بن فہد سعودی عرب کے سابق فرمانروا فہد بن عبدالعزیز مرحوم کے صاحبزادے تھے، وہ سعودی عرب کے مشرقی صوبےکےگورنر بھی رہ چکے ہیں۔
وزیر اعظم شہباز شریف کا شہزادہ محمد بن فہد کے انتقال پر اظہار افسوس
وزیر اعظم شہباز شریف نے شہزادہ محمد بن فہد کے انتقال پر اظہار افسوس کیا ہے۔
وزیر اعظم شہباز شریف نےکہا ہےکہ شہزادہ محمد بن فہد کے انتقال کی خبر سن کر دکھ ہوا، شہزادہ محمد بن فہد کی سعودی عرب کے لیے شاندار خدمات کو ہمیشہ یاد رکھا جائےگا۔
وزیر اعظم نے سعودی شاہی خاندان کے ارکان اور سعودی عوام کے ساتھ اظہار تعزیت کیا۔
وزیراعظم نے پاکستانی عوام کی طرف سے شاہ سلمان بن عبدالعزیز اور محمد بن سلمان سے بھی اظہار تعزیت کیا۔
مزید خبریں :
