29 جنوری ، 2025 
پاکستان
ملتان: ایل پی جی باؤزر دھماکےکے مزید4 زخمی دم توڑگئے، جاں بحق افرادکی تعداد 10 ہوگئی
29 جنوری ، 2025
ملتان میں ایل پی جی باؤزر دھماکے میں زخمی ہونے والے مزید 4 افراد دم توڑ گئے جس کے بعد واقعے میں جاں بحق افراد کی تعداد 10 ہوگئی۔
اسپتال انتظامیہ کے مطابق باؤزر دھماکے میں 39 افراد زخمی ہوئے ان میں سے 26 زخمی نشتر اسپتال کے برن یونٹ میں زیر علاج ہیں۔
برن یونٹ میں زیر علاج زخمیوں میں سے 13 زخمیوں کی حالت تشویشناک ہے۔
پنجاب حکومت کی جانب سے زخمی اور جاں بحق ہونے والوم کو معاوضوں کی ادائیگی کا سلسلہ بھی جاری ہے۔
خیال رہےکہ 2 روز قبل ایل پی جی باؤزر میں سے چھوٹے سلنڈروں میں گیس منتقلی کے دوران دھماکے سے 6 افراد موقع پر جاں بحق اور 39 زخمی ہوگئے تھے۔
