30 جنوری ، 2025 
سویلینز کا ملٹری ٹرائل کیس: جسٹس جمال نے اپنے گزشتہ روز کے ریمارکس پر وضاحت کردی
30 جنوری ، 2025
اسلام آباد: فوجی عدالتوں میں سویلینز کے ٹرائل پر کیس کی سماعت کے دوران جسٹس جمال مندوخیل نے گزشتہ سماعت میں اپنے ریمارکس کی وضاحت کردی۔
سپریم کورٹ میں جسٹس امین الدین خان کی سربراہی میں 7 رکنی آئینی بینچ نے فوجی عدالتوں میں سویلینز کے ٹرائل کے خلاف انٹرا کورٹ اپیل پر سماعت کی جہاں وزارت دفاع کے وکیل خواجہ حارث نے دلائل دیے۔
سماعت کے آغاز میں جسٹس جمال مندوخیل نے کل دیے جانے والے ریمارکس پر وضاحت کرتے ہوئے کہا کہ کل خبر چلی میں نے کہا 8 ججز کےفیصلے کو 2 ججز غلط کہہ دیتے ہیں، خبر پر بہت سے ریٹائرڈ ججز نے مجھ سے رابطہ کیا۔
انہوں نے کہا کہ میڈیا کی پرواہ نہیں لیکن درستگی ضروری ہے، بات عام تاثرمیں کی تھی اور کہا تھا کہ 8ججز کےفیصلےکو 2 لوگ کھڑے ہوکرکہتے ہیں غلط ہے۔
